यावल ( प्रतिनिधी )विकी वानखेडे
आपल्या कर्तव्याची जाणीव ठेवुन प्रशासकीय कामाची व कुटुंबाची यशस्वीरित्या जबाबदारी सांभाळणारे महसुल प्रशासनातील सर्वाकृष्ठ एक उमदा असे अधिकारी म्हणुन ३८ वर्ष सेवा देणारे निवासी नायब तहसीलदार आर के पवार यांचा सेवापुर्तीचा निरोप सोहळा अंत्यत भावनिक व कौटुंबीक अशा वातावरणात संपन्न झाला . यावल तहसील कार्यालयाच्या नाविन प्रशासकीय कार्यालयात पार पडलेल्या या सेवापुर्तीपर निरोप सोहळ्यात आर के पवार यांचा सपत्नीक प्रांत अधिकारी कैलास कडलग यांच्या हस्ते सन्मानपत्र देवुन सन्मानित करण्यात आले. या कार्यक्रमाच्या अध्यक्षस्थानी फैजपुर विभागाचे प्रांत अधिकारी कैलास कडलग हे होते तर प्रमुख अतिथी म्हणुन तहसीलदार महेश पवार , नायब तहसीलदार आर.डी .पाटील, संगोयो विभागाच्या नायब तहसीलदार सौ . भारती भुसावरे , समन्वय समितीचे अध्यक्ष प्रभाकर अप्पा सोनवणे , संजय गांधी निराधार समितीचे तालुका अध्यक्ष शेखर पाटील , राष्ट्रवादीचे तालुका अध्यक्ष प्रा . मुकेश येवले , शिवसेने शहरप्रमुख जगदीश कवडीवाले व सागर देवांग , यावलचे प्रथम माजी लोकलियुक्त नगराध्यक्ष शशांकदादा देशपांडे , भाजपाचे तालुका अध्यक्ष उमेश फेगडे , तालुका सरचिटणीस विलास चौधरी , उज्जैन सिंह राजपूत ,नवनिर्माण सेनेचे रावेर यावल क्षेत्र चे जिल्हा संघटक चेतन अढळकर, गौरव कोळी व अजय तायडे, कॉंग्रेस कमेटीचे शहराध्यक्ष कदीर खान , भगतसिंग पाटील, प्रहार जनशक्तीचे अलीम शेख व मुश्ताक खान यांच्यासह महसुल विभागाचे सर्व कर्मचारी व तलाठी व मंडळ अधिकारी यांच्यासह आर के पवार यांच्यावर प्रेम करणारा सर्व जातीधर्मातील मित्र परिवार या कार्यक्रमास मोठया संख्येत आवार्जृन उपस्थित होते . याप्रसंगी सेवापुर्ति केलेले निवासी नायब तहसीदार आर के पवार यांनी आपल्या सत्काराला उतर देतांना आपल्या कुटुंबाच्या संघर्षमय जिवनातील आठवणींना उजाळा देत प्रशासकीय सेवेचे कार्य अनुभव आपले मनोगत व्यक्त करतांना अंत्यत भावुक झाले , आपले कुटुंब हे शैक्षणीक व आर्थिक दृष्टया प्रगत करण्यासाठी काकांनी कुंटुब प्रमुख म्हणुन कर्तव्याची जाणं ठेवत पुतण्यांसाठी केलेले कार्य मोठया भावांने लहान भावांसाठी आणी वडीलांनी आपल्या कुंटुबातील मुलांसाठी केलेल्या परिश्रमाची व जबाबदारीच्या आठवणीवर बोलतांना संपुर्ण वातावरण भावनिक झाले व आर के पवार यांच्यासह या कौटुंबीक सेवापुर्तीच्या सोहळयास उपस्थित मान्यवरांचे ही डोळे अश्रुंनी पाणावले, या कार्यक्रमात प्रांत अधिकारी कैलास कडलग ,तहसीलदार महेश पवार ,किनगावचे मंडळ अधिकारी सचिन जगताप , डॉ .अक्षय पवार यांनी ही आपले मनोगत व्यक्त केले . कार्यक्रमाची प्रस्तावना तहसीलचे कुळकायदा अव्वल कारकून रविन्द्र माळी यांनी केली तर सुत्रसंचालन व उपस्थितांचे आभार तलाठी जर्नादन बंगाळे यांनी मानले .