संग्रामपुर : येथील संग्रामपुर मित्र परिवार सामाजिक कार्यात अग्रेसर असुन शेवटच्या घटकाचा आधारवड असलेले संंग्रामपुर मित्र परिवाराचे संस्थापक अध्यक्ष शंकरभाऊ पुरोहित यांच्या संकल्पनेतुन संग्रामपुरात नुकतेच नेत्र गरजु रुग्णांसाठी नेत्र तपासणी व मोफत शस्त्रक्रिया , चष्मे वाटप शिबीर संपन्न झाले. सर्व प्रथम घटनेचे शिल्पकार महामानव डॉ.बाबासाहेब आंबेडकर व क्रांतिसूर्य महात्मा ज्योतीबा फुले यांच्या प्रतिमेचे पुजन करुन मोहनराव नारायणराव नेत्र रुग्णालयाचे नेत्रतज्ञ वैधकिय अधिकारी व आरोग्य कर्मचारी यांनी नेत्र रुग्णांची तपासणी केली यात मोतिबिंदु शस्त्रक्रियेसाठी १०० रुग्ण पात्र ठरले त्यात पहिल्या टप्प्यात १०० पैकी ३० गरजु नेत्र मोतिबिंदु रुग्णांवर मोफत शस्त्रक्रिया मोहनराव नारायणराव नेत्र रुग्णालयात करण्यात आली तर दुसऱ्या टप्प्यात उर्वरित ७० नेत्र रुग्णांची शस्त्रक्रिया मोफत करण्यात येणार आहे संग्रामपुर मित्र परिवाराच्या सामाजीक बांधीलकीमुळे १०० व्यक्तीना दुष्टी मिळणार असल्याने संबंधीत नेत्र रुग्णांनी व नातेवाईकांकडून आभार मानले जात आहे. संग्रामपुर मित्र परिवाराच्या वतीने स्वखर्चाने रुग्णांचा शस्त्रक्रिया खर्च,वाहनाची जेवणाची ऊत्तम व्यवस्था करण्यात आली होती तसेच या शिबीरात शस्त्रक्रियाची आवश्यकता नसल्याने चष्मे हवे असलेल्या नेत्र रुग्णांना २११ मोफत चष्मे वाटप करण्यात आले. सामाजीक कार्यात अग्रेसर असलेला स्तृत्य उपक्रमाची संग्रामपुर मित्र परिवाराचे नेत्र रुग्ण व नातेवाईकांनी आभार मानले व कौतुकही केले.आणि सर्वकडे संग्रामपूर मित्र परिवाराच्या उपक्रमाची वाह वाह होत आहे.कार्यक्रमाच्या यशस्वीतेसाठी संग्रामपूर मित्र परिवाराच्या सर्व सदस्यांनी परिश्रम घेतले.
