नांदुरा(प्रफुल्ल बिचारे पाटिल):-
बुलढाणा जिल्हासह मलकापूर व नांदुरा तालुक्यात कोरोनाने
उग्र रुप धारण केले आहे दिवसेंदिवस रुग्णांची संख्या झपाट्याने वाढत आहे. कोरोनावर नियंत्रण ठेवण्यासाठी अधिक उपाय योजना करणे गरजेचे आहे.त्या अनुषंगाने मलकापूर विधानसभा मतदार संघाचे आमदार मा.श्री.राजेश एकडे यांनी स्थानिक नांदुरा व मलकापूर प्रशासनाची बैठक घेऊन मलकापूर व नांदुरा तालुक्यातील रुग्णसंख्या,उपलब्ध बेड,
ऑक्सिजन सिलेंडर, औषधसाठा, कोविड लसीकरण,प्राप्त लसीचे योग्य नियोजन या बाबत आढावा घेतला.नांदुरा येथे ऑक्सिजन बेडसह कोविड सेंटर (डी.सी. एस.सी.) तात्काळ सुरू करावे,मलकापूर येथील कोविड सेंटर येथे २५ बेड वाढवावे,कोरोना टेस्टिंग वाढवाव्या, गावा-गावात शिबिरे आयोजित करून
लसीकरणाची गती वाढवावी,प्रशासना कडून रेमडिसिव्हर उपलब्ध करून घेण्या साठी पाठपुरावा करावा व लॉकडाऊन ची अंमलबजावणी प्रभावीपणे करावी अश्या सूचना केल्या.यावेळी नांदुरा येथील तहसीलदार श्री.राहुल तायडे, मलकापूर येथील तहसीलदार स्वप्नाली डोईफोडे,नांदुरा येथील मुख्याधिकारी श्री. आशिष बोबडे,मलकापूर येथील मुख्याधिकारी श्री.रमेश ढगे,नांदुरा चे ठाणेदार श्री.नाईकनवरे,
मलकापूर व नांदुरा येथील गटविकास अधिकारी श्री.समाधान वाघ,श्री.मानकर, तालुका आरोग्य अधिकारी डॉ.अभिलाष खंडारे,डॉ.अझर,डॉ.बेडे,नांदुरा येथील एकात्मिक बालविकास अधिकारी,नांदुरा पंचायत समितीचे श्री.सोयस्कर प्रामुख्याने उपस्थित होते.
