सचिन वाघे वर्धा
वडनेर कोरोना संसर्गाचे पार्श्वभूमीवर जिल्ह्यातील कोरोनाबाधितांची वाढती संख्या लक्षात घेता जिल्ह्यातील शाळा, महाविद्यालये ३१ मार्च पर्यंत बंद आहे .तथापी हिंगणघाट तालुक्यातील नि.मु. घटवाई विद्यालयाचे मुख्याध्यापक शिक्षक आँनलाईन वर्ग घेत असतांनासुद्धा कार्यालयात ५० टक्के कर्मचाऱ्यांची उपस्थितीचे आदेश असतानाही शिक्षक व शिक्षकेतर कर्मचाऱ्यांना वेठीस धरून शाळेत उपस्थित राहण्यास बाध्य करीत असल्याचे दिसुन येत आहे.
कोरोना प्रादुर्भाव टाळण्याऐवजी कोरोनाप्रादुर्भाव वाढविण्यास एकप्रकारे समर्थन करीत आहेत.
कोरोना प्रादुर्भावाचे काळात शासनाने सर्व शाळांना आभासी (ऑनलाइन) शिक्षणाचे आदेश दिलेले आहेत. असे असूनही या शाळेतील सर्व शालेय शिक्षकांना सकाळी ८ ते २ पर्यत शाळेत थांबवून ठेवत असल्याची तक्रार आहे.
शाळेत ४६ कर्मचारी आहे कोरोना नंतर शाळा सुरू झाल्या असल्या तरी जिल्ह्यातील कोरोनाचा वाढता प्रादुर्भाव लक्षात घेता शाळा पुनश्च बंद करण्यात आल्यात व आँनलाईन शिक्षण सुरू आहे.विद्यालयातील तीन शिक्षक कोरोनाबाधीत झाले चतुर्थश्रेणी कर्मचाऱ्याचे कुटुंब कोरोना पाझिटीव असतांनाही ती महिला कर्मचारी शाळेत कामावर उपस्थित राहत आहे. परिणामी त्याचा संसर्ग इतर शिक्षकांना होऊ शकते, मात्र याकडे मुख्याध्यापक डोळेझाक करीत असल्याची तक्रार आहे.
कोरोनाच्या वाढत्या प्रसारामुळे शासकीय कार्यालयात १००% कर्मचारी उपस्थिति अनिवार्य नसतांनासुद्धा येथील शाळेतील ४६ कर्मचारी शाळेत उपस्थित राहत असतात. मात्र कूठलेही सोशल डिस्टंसिंग पालन न करता ,वेळप्रसंगी मास्क न वापरताही कर्मचारी शाळेत सुसाट वावरतांना आढळून येत आहेत .शालेय परिसरात सनिटायझेशन काळजी घेतली जात नाही. शाळेत ५० टक्के कर्मचारी उपस्थित राहण्याचे आदेश असतानाही मुख्याध्यापक शिक्षकांना जाणुन बुजून शाळेत उपस्थित राहण्यासाठी बाध्य करतात.कोरोना बाधित कुटुंबातील चतुर्थी श्रेणी कर्मचारी शाळेत वावरतो, परीणामी इतर शिक्षकही कोरोनाबाधीत होऊ शकतात हे येथील उच्चविद्याविभुषित मुख्याध्यापकांना का कळत नाही हा खरा प्रश्न अनुत्तरित आहे.
