सचिन वाघे वर्धा हिंगणघाट
विधान परिषदेचे नागपूर विभाग पदविधर मतदार संघाचे आमदार अॕड.अभिजीत वंजारी यांनी डाॕ.बी,आर.आंबेडकर विद्यालय ,कनिष्ठ महाविद्यालयाला सदिच्छा भेट दिली.यावेळी डाॕ.बी.आर.आंबेडकर विद्यालय ,कनिष्ठ महाविद्यालयाच्या वतीने त्यांचा शाल,श्रीफळ आणि पुष्प देऊन डाॕ.बी.आर.आंबेडकर शिक्षण संस्थेचे सचीव श्री. अनिल जवादे यांच्या हस्ते सत्कार करण्यात आला.विधान परिषदेकरीता पदवीधर मतदार स़ंघातून निर्वाचीत झाल्यानंतरची त्यांची हिँगणघाट शहराला ही पहिलीच सदिच्छा भेट होती.याप्रसंगी विचार मंचावर नागपूर विद्यापीठाचे सिनेट सदस्य डाॕ.शकील सत्तार , काॕग्रेसचे नेते डेहने पाटील,किसान अभियानचे प्रविण उपासे श्री.महाजन ,पत्रकार इकबाल पहिलवान , अब्दुल अमिन ,कृषी उत्पन्न बाजार समितीचे संचालक श्री.राजू मंगेकर प्राचार्य एस.एम.राऊत,मुख्याध्यापक देवतळे यांची उपस्थिती होती,
सत्काराला उत्तर देतांना बेरोजगार संघटनेचे प्रश्न ,पदवीधर मतदारांचे प्रश्न ,शिक्षक -शिक्षकेत्तर कर्मचाऱ्यांचे प्रश्न ,संस्था संचालकांचे प्रश्न सोडविण्यासाठी मी कटीबद्ध आहे असे त्यांनी सांगितले. २००५ पूर्वी नियुक्त परंतु २००५ नंतर अशंता किंवा १००% अनुदानावर आलेल्या शिक्षकांना जुनी पेंशन योजना लागू व्हावी,अटीची पुर्तता करणाऱ्या विनाअनुदानीत शाळांना अनुदान मिळवून देण्यासाठी आपण पाठपुरावा करीत आहोत असेही त्यांनी सांगितले.विदर्भातील विद्यार्थी mpsc, Upsc च्या परीक्षेला बसतात परंतु पश्चिम महाराष्ट्रातील विद्यार्थ्यांच्या तुलनेत ते कमी पडतात .अशा होतकरू विद्यार्थ्यांना मार्गदर्शन मिळाव ,त्यांना योग्य दिशा मिळावी यासाठी प्रत्येक जिल्ह्यात पदवीधर भवन बांधन्याची संकल्पना आपण जिल्हा नियोजन बैठकीत मांडलेली असून त्यात लवकरच यश मिळेल असे ते म्हणाले.सुशिक्षित पदवीधर बेरोजगारांचे प्रश्न सोडविण्यासाठी त्यांच्या हाताला काम देणे व त्यासाठी त्यांना उद्योगाकडे वळविणे व त्यासाठी त्यांना आवश्यक प्रशिक्षण प्राप्त करून देणे यावर आपला भर असल्याचेही ते म्हणाले.
कार्यक्रमाच्या दरम्यान जुनी पेन्शन हक्क संघटनेच्या पदाधिकाऱ्यांनी जुनी पेन्शन योजना शिक्षक आणि शिक्षकेत्तर कर्मचाऱ्यांना लवकर लागू करावी यासाठी अॕड.अभिजीत वंजारी यांना निवेदन देण्यात आले.
कार्यक्रमाचे संंचालन आणि आभारप्रदर्शन श्री .गोपाल माँडवकर यांनी केले.
