तरुणांमध्ये क्रीडा क्षेत्रामध्ये जास्तीत जास्त प्रमाणामध्ये रुची निर्माण व्हावी. तसेच शरीरा करिता खेळ हा सर्वात चांगला व्यायाम आहे. परंतु आपल्या जळगाव जामोद तालुक्यामध्ये क्रिकेट या खेळाला खूप कमी महत्त्व दिले जाते. तरुणांमध्ये क्रीडा क्षेत्रात रुची निर्माण व्हावी याकरिता जळगाव जामोद येथे दिनांक २८ ऑगस्ट रोजी एम्स क्रिकेट ॲकॅडमी आणि आर सी २४ न्युज यांच्या प्रयत्नांने छोट्या मुलांपासून तर मोठ्या व्यक्तींपर्यंत खेळाबद्दल आवड निर्माण व्हावी म्हणून तरुणांना क्रिकेट किटचे वाटप करण्यात आले. दिनांक २९ ऑगस्ट पासून दिवंगत माजी जळगाव जामोद नगराध्यक्ष अमान शेठ यांच्या स्मरणार्थ जळगाव जामोद शहरामध्ये क्रिकेटचे सामने सुरू होत आहे त्यानिमित्त आर सी २४ न्युज आणि एम्स क्रिकेट ॲकॅडमी यांच्या संयुक्त विद्यमाने तरुणांना क्रिकेट किट चे मान्यवरांच्या हस्ते वाटप करण्यात आले. या छोट्या खाणी कार्यक्रमाच्या अध्यक्षस्थानी माजी नगर परिषद उपाध्यक्ष तथा कृषी उत्पन्न बाजार समिती प्रशासक संजय पारवे होते प्रमुख उपस्थिती राष्ट्रवादी काँग्रेसचे डॉक्टर प्रशांत दाभाडे, वंचित बहुजन आघाडीचे सुनील बोदडे, समाजवादी चे जिल्हाध्यक्ष अजहर खान,फारुख भाई, समाजवादी पार्टीचे लियाकत खान,आर सी २४ न्युजचे संपादक राजेश बाठे,जहिर भाई, पत्रकार अनिल भगत,जफर सर यांची उपस्थिती होती.सदर या छोटेखानी कार्यक्रमाचे सूत्रसंचालन आरीफ सर यांनी केले तसेच कार्यक्रमाचे अध्यक्षांनी आपल्या अध्यक्षीय मनोगतात या कार्यक्रमाच्या आयोजकांचे आभार मानून तरुणांमध्ये क्रीडा क्षेत्रात रुची निर्माण करण्याकरिता त्यांना क्रीडा क्षेत्राची गरज का आहे तसेच खेळाबरोबर आपल्याला शिक्षणही किती महत्त्वाचे आहे याविषयी त्यांनी मोलाचे मार्गदर्शन केले. तसेच डॉक्टर प्रशांत दाभाडे यांनी सुद्धा तरुणाला योग्य ते मार्गदर्शन केले. तसेच या कार्यक्रमाला प्रतीक राऊत,क्रितेश अग्रवाल,जावेद भाई,साद खान,अयाज भाई,सोहम वराडे,साहिल भाले, सय्यद अर्षद,निखिल खंडारे,आकाश भुते,आयुष राऊत, हर्ष चौधरी, रोहित निमकर्डे,प्रभुद इंगळे,प्रणव चोपडे, रोशन बोदडे,हर्ष पलन,प्रतिक खोलगडे,लवकेश पांडव, गौरव बैरागी, खालीद आतार यांची यावेळी उपस्थिती होती.
