नांदुरा:-(प्रफुल्ल बिचारे):
तालुक्याचे कर्तव्यदक्ष तहसीलदार श्री. राहुल तायडे हे गेल्या २-३ वर्षांपासून नांदुरा येथे तहसीलदार म्हणून कार्यरत आहेत.त्यांच्या कर्तव्याचे ते काटेकोरपणे पालन करतात परंतु याव्यतिरिक्त ही ते सामाजिक कार्यात नेहमी अग्रेसर असतात. जसे की विद्यार्थ्यांना स्पर्धा परीक्षा मार्गदर्शन करणे, समाजउपयोगी कार्यात भरभरून मदत करणे.या सर्व कर्यांची दखल घेत दिनांक ५ ऑगस्ट २०२१ रोजी नांदुरा येथील तहसीलदार श्री राहुल तायडे यांना बुलडाणा येथे मा.जिल्हाधिकारी एस राममूर्ती,अप्पर जिल्हाधिकारी धनंजय गोगटे यांच्या हस्ते महसूल वसूली,महाराजस्व अभियान,सातबारा संगणकीकरण,नैसर्गिक आपत्तीत, कायदा व सुव्यवस्था,दंडाधिकारी यांची कामे इत्यादी महत्त्वाची भूमिका योग्यरीत्या पारदर्शकपणे पार पाडल्याबद्दल उत्कृष्ठ तहसीलदार म्हणून सन्मानित करण्यात आले.यामुळे भारत सरकार मान्यता प्राप्त राष्ट्रीय विश्र्वगामी पत्रकार संघाच्या वतीने तहसीलदार यांचा शाल,श्रीफळ,हार,टोपी घालून सत्कार करण्यात आला. यावेळी ज्येष्ठ पत्रकार श्री अनंत लाहुडकार, दिलीप इंगळे, राष्ट्रीय विश्वगामी पत्रकार संघाचे नांदुरा तालुकाध्यक्ष अमर रमेश पाटील,तालुका प्रसिद्धीप्रमुख प्रफुल्ल बिचारे,तालुका उपाध्यक्ष शिवाजी चीमकर,तालुका उपाध्यक्ष योगेश धोटे,भागवत दाभाडे,नांदुरा शहर उपाध्यक्ष नजीर रजवी,अरुण सुरवाडे, सुशील इंगळे,रतन डोंगरदिवे व इतर पत्रकार उपस्थित होते.
