सचिन वाघे वर्धा
वडनेर :–ग्रा.पं. वडनेर येथे मा.सौ कविता विनोद वानखेडे यांचे अध्यक्षेत कोरोना संसर्ग नियंत्रण करीता आढावा सभा घेण्यात आली.
सभेला ग्रा.रू. वडनेर चे अधीक्षक डॉ.पाटील, तलाठी इंगळे, गावातील आशा सेविका, अंगणवाडी सेविका, ग्रा.वि.अ. रामटेके, उपसरपंच सुभाष शिंदे उपस्थित होते.
गावात कोरोणा ची लागण झालेले 112 रुग्ण होते परंतु नियंत्रण समितीने गृहभेटी देऊन रुग्णांची काळजी घेऊन योग्य मार्गदर्शन केल्यामुळे गावात फक्त 8 रुग्ण असल्याचे आशा सेविकांनी सांगितले.
सभेच्या निमित्ताने ग्रा.पं.वडनेर च्या वतीने आशा सेविका व अंगणवाडी सेविका यांना आरोग्य किट चे उपस्थितांच्या हस्ते वितरण करण्यात आले.
तसेच गावात कोरोणा प्रतिबंधत लस घेण्याबाबत जनजागृती करून सर्वांनी लस घेण्यात यावी असेही मार्गदर्शन करण्यात आले.
गावात मोठ्या प्रमाणात कोरोणा रुग्ण असताना आरोग्य विभागाने योग्य नियोजन केल्यामुळे रुग्ण बरे झालेले असून काही दिवसात गाव कोरोणा मुक्त होणार असे सरपंच वानखेडे यांनी सांगितले व गाव कोरोणा मुक्त करण्याचा संकल्प उपस्थित सर्वांनी व्यक्त केला.
डॉ. पाटील यांनी सभेला कोरोणा संसर्ग व लसीकरण बाबत मार्गदर्शन केले.
