चिखली : कारगीलच्या द्रास सेक्टरमध्ये तैनात असलैल्या भारतीय लष्करातील चिखली येथील जवान कैलास भारत पवार यांना सुटीवरुन घरी परतत असतांना ऑक्सिजन पातळी कमी झाल्याने १ ऑगस्टं रोजी वीरमरण आले होते. आज दि 4 ऑगस्टं रोजी चिखलीच्या तालुका क्रीडा संकुलाच्या मैदानावर शासकीय इतमामात व शोकाकुल वातावरणात अंत्यसंस्कार करण्यात आले. शहीदाप्रती आपल्या संवेदना व्यक्तं करतांना नगराध्यक्षा सौ. प्रियाताई कुणाल बोंद्रे व सर्व नगरसेवक व नगरसेविका यांच्या वतीने शहीद जवान कैलास पवार यांच्या स्मृतीप्रित्यर्थ चिखली शहरामध्ये त्यांचे भव्यं स्मारक उभारणार असल्याचे एका प्रसिध्दीपत्रकाव्दारे कळविले आहे.
भारतीय जवान आपल्या प्राणांची बाजी लावून देशाच्या सीमांचे रक्षण करतात. त्यांच्यामुळे आपण आपल्या घरात निश्चींतपणे राहू शकतो याचे भान प्रत्येक भारतीयाने बाळगणे आवश्यक आहे. स्थानिक गजानन नगर येथील रहिवाशी असलेला कैलास भारत पवार हा जवान कारगीलच्या द्रास सेक्टरमध्ये आपल्या कर्तव्यावर होता. आपला एक वर्षाचा कालावधी पुर्ण झाल्यावर पुढील सहा महिण्यांसाठी घरी परतत असतांना ऑक्सिजन पातळी कमी झाल्याने १ ऑगस्टं रोजी वीरमरण आले होते. आज दि 4 ऑगस्टं रोजी चिखलीच्या तालुका क्रीडा संकुलाच्या मैदानावर शासकीय इतमामात व शोकाकुल वातावरणात अंत्यसंस्कार करण्यात आले.
स्थानिक स्व भाऊसाहेब फुंडकर मार्गावरील असलेल परीसरात शहीदासाठी स्मारक उभारण्यात येणार आहे त्यांसदर्भात आवश्यकं ती कायदेशीर कार्यवाही लवकरात लवकर पुर्ण करण्यात येणार असल्याचेही नगराध्यक्ष सौ. प्रियाताई कुणाल बोंद्रे यांनी सांगीतले. ✍️ मोहन चौकेकर
