यावल ( प्रतिनिधी ) विकी वानखेडे
येथील शहरातुन फैजपुर मार्गावर असलेल्या हरी ओम नगरच्या खुल्या जागेवरून झोपलेल्या अडीच वर्षाच्या मुलाचे अपहरण करून फरार असलेल्या संशयीत आरोपीस पोलीसांनी अवघ्या तिन दिवसात शोध घेण्यात यश आले असुन त्याच्याकडील बालकास देखील सुखरूप त्याच्या कुटुंबाच्या स्वाधीन करण्यात आले आहे . या संरर्भात मिळालेली माहीती अशी की यावल शहरातील फैजपुर मार्गावरील सुभानी पेट्रॉलपंपा समोरील हरिओम नगर येथील खुल्या जागेवर मुक्कामास असलेले सादीक शाह शाहीद शाह वय २८ वर्ष राहणार गोशालपुर ता . सोहरा जिल्हा जबलपुर यांच्या अडीच वर्षाच्या अरमान नांवाच्या मुलास दिपक शर्मा या संशयीत आरोपीने दिनांक २ एप्रील च्या सकाळी ४ वाजेच्या सुमारास अपहरण करुन फरार झाला होता . त्या बालकाचे वडील सादीक शाह यांनी यावल पोलीस स्टेशनमध्ये फिर्याद दाखल केल्यानंतर पोलीस निरिक्षक सुधीर पाटील यांच्या मार्गदर्शनाखाली जेष्ठ पोलीस उप निरिक्षक अजमल पठान, सहाय्यक फौजदार अशोक बाविस्कर यांनी तपासाची चक्रे योग्य दिशेने फिरवत भुसावळ येथील राहणारा दिपक बगाराम शर्मा राहणार सिंधि कॉलनी भुसावळ येथील स्थानिक गुन्हे शाखेचे पोलीस निरिक्षक किरण कुमार बकाले यांच्या मार्गदर्शनाखाली सहाय्यक फौजदार अशोक महाजन सहाय्यक फौजदार शरीफ तडवी, पोलीस कर्मचारी युनुस शेख , किशोर राठौड , विनोद पाटील , रणजीत जाधव यांनी सापळा रचुन संशयीत आरोपी दिपक बग्गाराम शर्मा यास पकडुन यावल पोलीसांच्या स्वाधीन केले. यावल पोलीसांनी आरोपीस चौकशी कामी ताब्यात घेवुन त्याच्याकडुन माहीती मिळवली असता तो अपहरण केलेल्या त्या मुलास भुसावळ येथील एका व्यश्याला विकण्याच्या बेतात होता , सदर त्या महीलेने मी या मुलाला घेते पण तुला माझ्यासोबत पोलीस स्टेशनमध्ये यावे लागेल असे म्हणताच दिपक शर्मा यांने त्या ठीकाणाहुन पळ काढला व नंतर त्यास अटक करण्यात आली असुन , यावल पोलीसांनी अपरहण झालेल्या मुलास त्याच्या पालकाच्या स्वाधीन केले असुन आरोपी अटक करण्यात आली आहे .
