नांदुरा(प्रफुल्ल बिचारे पाटिल):-
केंद्र सरकारने पेट्रोल, डिझेल व एलपीजी गॅसच्या किमती भरमसाठ वाढवल्या आहेत. पेट्रोल १०० रुपये लिटर चा टप्पा पार केला असून डिझेल ९२ रुपये लिटर झाले आहे त्याचप्रमाणे स्वयंपाकाचा गॅस ९०० रु. झाला आहे. वाढत्या महागाईमुळे सामान्य जनतेचे जगणे कठीण झाले आहे आधीच कोरोनाच्या संकटाने जनता त्रस्त झाली असून त्यात महागाईचा मार सहन करावा लागत आहे. वाढत्या महागाईच्या अनुषंगाने महाराष्ट्र प्रदेश काँग्रेस कमिटीचे अध्यक्ष श्री. नानाभाऊ पटोले यांच्या आदेशान्वये मलकापूर विधानसभा मतदार संघाचे आमदार श्री.राजेश एकडे यांच्या नेतृत्वाखाली नांदुरा तालुका व शहर काँग्रेस कमिटीच्या वतीने स्थानिक गणी पेट्रोल पंप येथे पेट्रोल, डिझेल, घरगुती गॅस च्या किमतीत झालेल्या दरवाढी विरोधात आंदोलन करण्यात आले. व केंद्र सरकारचा निषेध करण्यात आला.केंद्र शासनाविरुद्ध घोषणा देत काँग्रेस कार्यकर्ते पदाधिकाऱ्यां नी परिसर दणाणून सोडला.वाढती महागाई हे केंद्र सरकारचे अपयश आहे अशी प्रतिकिया यावेळी आमदार श्री.राजेश एकडे यांनी दिली. महागाई आटोक्यात आणली नाही तर हे आंदोलन अधिक तीव्र करण्याची भावना काँग्रेस पदाधिकारी व कार्यकर्त्यांनी व्यक्त केली.केंद्र सरकार विरोधात झालेल्या आंदोलनामध्ये नांदुरा कृषी उत्पन्न बाजार समिती चे मुख्य प्रशासक श्री.पदमभाऊ पाटील,बुलढाणा जिल्हा काँग्रेस कमिटीचे सरचिटणीस श्री.निलेश पाऊलझगडे, नांदुरा तालुका काँग्रेस कमिटीचे अध्यक्ष श्री.भगवानभाऊ धांडे,नांदुरा शहर काँग्रेस कमिटीचे अध्यक्ष श्री.गौरव पाटील, महाराष्ट्र प्रदेश सोशल मीडिया च्या राज्य सचिव सौ.सुनीताताई देशमुख, जिल्हा पुनर्वसन समितीचे सदस्य श्री.पुरुषोत्तम झाल्टे, मलकापूर विधानसभा युवक काँग्रेसचे अध्यक्ष श्री.बंटी पाटील,उपाध्यक्ष श्री.राजू हाडे पाटील, नांदुरा शहर महिला काँग्रेस कमिटीच्या अध्यक्षा सौ.श्रद्धाताई गावंडे,नांदुरा तालुका काँग्रेस कमिटीचे उपाध्यक्ष श्री.आकाश वतपाळ, श्री.शंकर बोदडे श्री. शुभम लांडे, श्री. राजेंद्र चाभारे,श्री. सोपान वक्ते,श्री.सोपान गावंडे,श्री.महेंद्र देशमुख, श्री.संतोष घोराडे, श्री.गोपाळ भोकरे, श्री.भास्कर वाकोडे, श्री.अनिल देशमुख, श्री.शशिकांत गव्हाड,श्री.शालीग्राम तांगडे व काँग्रेस, कार्यकर्ते पदाधिकारी मोठ्या संख्येने उपस्थित होते.
