सचिन वाघे वर्धा
हिंगणघाट : शहरातील पुरातन राम मंदिर देवस्थानच्या नावावर असलेल्या चल-अचल संपत्तिमधे ट्रस्टचे पदाधिकाऱ्यांनी घोळ केला असल्यावरुन याची धर्मदाय आयुक्तांनी चौकशी करण्याची मागणी शहरातील पत्रकार तसेच माहिती अधिकार कार्यकर्ते सचिन वाघे यांनी केली आहे.
या प्राचीन राममंदिर देवस्थान ट्रस्टकड़े जवळपास दोनशे एकर शेत जमीन असल्याची माहिती ऑनलाइन चौकशीतुन मिळाली आहे तसेच राम मंदिर च्या नावे हिंगणघाट शहरात करोडो रुपयांची संपत्ती, सोने-चांदी असतानासुद्धा मंदिराच्या स्थितीमध्ये कोणतीही सुधारणा होत नसल्याचे दिसुन येत आहे. यासंबंधी श्री राम मंदिर देवस्थान अध्यक्षांना विचारणा केली असता त्यांनी धर्मदाय आयुक्तांकड़े संपर्क साधुन माहिती घेन्यास सांगितले.
संबंधित व्यक्तीनी धर्मदाय कार्यालय वर्धा येथे प्रत्यक्ष भेट दिली असता देवस्थानचे अध्यक्षानी दिलेल्या नोंदणी क्र.359 श्री राम मंदिर देवस्थानबद्दल विचारपूस केली असता धक्कादायक माहिती समोर आली, श्रीराम मंदिर देवस्थान हिंगणघाट या ट्रस्टचे 359 याची नोंदणी नाही .
श्री राम मंदिर देवस्थान अध्यक्ष यांनी दिलेली माहिती चुकीची आहे हे लक्षात आल्याने एकप्रकारे राम भक्तांनी दिलेले दान – संपत्तीबद्दल मोठा घोळ झाला असावा अशी जनमानसात चर्चा आहे.
देवस्थानाला दिलेले दान याच्या व्यवहार व हिशोब याची माहिती जनतेला ट्रस्टी देत नसल्यामुळे मंदिराच्या संपत्तीची चौकशी करण्यात यावी, अशी तक्रार धर्मदाय आयुक्त,वर्धा पत्रकार सचिन वाघे यांनी तक्रार केली आहे.
