सिंदखेडराजा ( सचिन खंडारे )
शिंदी येथील अल्प सुधारक शेतकरी प्रकाश कडूबा बंगाळे यांच्या शिंदी येथील शेतातील गट नंबर 136 मधील हरभऱ्याची सुडी ‘अज्ञात व्यक्तिने जाळून टाकल्याची घटना ‘ ७ एप्रिल च्या मध्यरात्री शिंदी येथे घडली ‘
प्रकाश कडूबा बंगाळे हे नेहमीप्रमाणे शेतामध्ये पाहणी करण्यासाठी सकाळी ६.३० मि . वाजता गेले असता त्यांना शेतातील 2 एकरातील लावलेली हरभऱ्याची सुडी जळालेल्या अवस्थेत दिसली ‘दोन एकरातील हरभऱ्याची सुडीची अंदाजे किंमत 50 हजार रुपये इतकी आहे यामध्ये सात वर्षाचे संत्राचे झाडे सुद्धा होरपळून गेली .
या घटनेची माहिती तातडीने तलाठी श्री नागरे यांना देण्यात आली त्यांनी घटनास्थळी जाऊन घटनेचा पंचनामा केला तसेच प्रकाश बंगाळे यांनी साखरखेर्डा पोलीस स्टेशनला दिलेल्या तक्रारीवरून साखरखेर्डा पोलीस स्टेशन चे पो. कॉ अरविंद चव्हाण यांनी घटनास्थळी येऊन घटनेचा पंचनामा केला यावेळी बद्री वायाळ पोलीस पाटील मदन हाडे श्रीधर खरात पत्रकार सचिन खंडारे हजर होते व सुडी जाळणाऱ्या अज्ञात व्यक्तीविरोधात कलम 435 भारतीय दंड संहितेनुसार गुन्हा दाखल केला !
अगोदरच शेतकरी लाकडावून काळामध्ये आपला माल हमी भावांमध्ये विकू शकत नाही अशातच अल्पभूधारक शेतकरी असलेले प्रकाश बंगाळे यांच्या शेतातील जवळपास पन्नास हजार रुपयाची हरभऱ्याची सुडी जाळल्यामुळे ‘प्रकाश बंगाळे यांच्यावर आर्थिक संकट ओढवले आहे ‘उडी मध्ये ओलसरपणा असल्यामुळे चार-पाच दिवस सुडी वाळत घालू व सुडी काढल्यानंतर बाजारात विकून आलेल्या पैशातून शेतीच्या भरवशावर असलेली उधारी देऊन टाकू असा मानस प्रकाश बंगाळे यांनी व्यक्त केला होता ।परंतु जळालेली सुडीची अवस्था पाहून तेही हतबल झाले ‘यामुळे हरभऱ्याच्या सुडी बरोबर शेतीतील साहित्य तसेच ठिबक सिंचन चे केबल सुद्धा जळाली आहे !पुढील तपास साखरखेडा पोलीस स्टेशनचे ठाणेदार श्री जितेंद्र आडोळे यांच्या मार्गदर्शनाखाली पोलीस कॉन्स्टेबल अरविंद चव्हाण हे करत आहेत ‘
