नांदुरा: प्रफुल्ल बिचारे
तालुक्यातील पिंप्री कोळी शिवारात १८जूनच्या दुपारी १२ वाजेदरम्यान शेतीच्या मालकीच्या वादातून वयोवृध्द आजीस मारहाण व तिच्या नातवास बांबूच्या काठीने मारहाण करुन चाकू हल्ला केल्याप्रकरणी गावातील सात आरोपींविरुध्द गुन्हा दाखल करण्यात आला आहे.
सविस्तर वृत्त असे की, तालुक्यातील पिंप्री कोळी ता. नांदुरा येथील निलेश महादेव कांडेलकर वय २३ वर्षे यांनी नांदुरा पोलिस स्टेशनला दिलेल्या तक्रारीत नमूद केले आहे की, त्यांच्याच गावातील आरोपी वासुदेव नामदेव कांडेलकर, दिलीप नामदेव कांडेलकर, रंजना वासुदेव कांडेलकर, रुपाली दिलीप कांडेलकर चारही सर्व रा. पिंप्री कोळी ता. नांदुरा, संतोषं कडुबा कांडेलकर रा. सुळे ता. मुक्ताईनगर, सोपान निवृत्ती खिरोडकार निवृत्ती खिरोडकार दोन्ही रा. वडोदा ता. मुक्ताईनगर यांनी तालुक्यातील पिंप्री कोळी शिवारातिल शेताबाबात तक्रारदार व आरोपी यांच्यामध्ये शेतीच्या वाटणी वरुन वाद असून या मधील आरोपी यांनी तक्रारदार यांच्या आजी व आजोबांचा शिवीगाळ केली व आजीस केस धरून लोटपाट करुन खाली पाडले व तक्रारदार यांच्या पायावर बांबुची काठी मारली व दंडावर चाकू मारला. तसेच शिविगाळ करुन जीवे मारण्याची धमकी दिली. अशा आशयाच्या तक्रारीवरून वरील सात आरोपीविरूध्द नांदुरा पोलिसांनी विविध कलमान्वये गुन्ह्याची नोंद केली आहे.
तर दिलीप नामदेव कांडेलकर यांनीही फिर्याद दिली असून त्यात त्यांनी नमूद केले की, आरोपी महादेव सुपडा कांडेलकर, निलेश महादेव कांडेलकर, सागर नारायण कांडेलकर, मंगेश महादेव कांडेलकर व योगेश नारायण कांडेलकर यांनी शेतीच्या कारणावरून वाद घालून माझ्या घरात घुसून लोखंडी रॉड ने मला व माझ्या नातेवाईकांना मारून जखमी केले. तसेच माझ्या पत्नीची छेडखानी केली. अशा फिर्यादीवरुन वरील आरोपी विरूध्द गुन्हे दाखल करण्यात आले आहेत.
