सचिन वाघे वर्धा हिंगनघाट :-
युवा सेनेचे वर्धा ज़िल्ह्या प्रमुख , समाजसेवी , सुवर्ण व्यावसाइक अभिनंदन मुणोत यांनी आपल्या विवाहावर होणारा खर्च टाळून कोरोना ग्रस्ताकरिता मुख्यमंत्री सहाय्यता निधि करिता 1लाख 1 हजाराचा धनादेश देऊन समाजापुढे आदर्श ठेवला . अलंकार ज्वेलर्स चे संचालक असलेले अभिनंदन मुणोत यांचा विवाह कोरोना काळात पार पडला . त्यांनी कोरोनाचे सर्व नियम पाळुन कुठलाही बड़ेजाव न करता अत्यात साध्या पद्धतीने विवाह सोहळा पार पाडला . या सध्या विवाह सोहळ्या चे आयोजनामुळे पैशाची मोठी बचत झाली . ही बचतीची रक्कम त्यांनी कोरोना काळात विविध सामाजिक उपक्रमाकरिता खर्च केली. हिंगनघाट तालुक्यात कोरोना संक्रमनाच्या काळात विविध समाजपयोगी उपक्रम राबुउन गरजु कुटुबियाना मदतीचा हात दिला . त्यामुळे ते कौतुकास पात्र ठरले . याच उपक्रमाचा एक भाग म्हणून त्यांनी दि.21 जून रोजी वर्षा बंगला मुंबई येथे मुख्यमंत्री उद्धव ठाकरे यांना एक लाख एक हजार रूपये चा धनादेश मुख्यमंत्री साह्ययता निधी ला दिला.या वेळी वर्धा जिल्हा संपर्क प्रमुख माजी खासदार अनंत गुडे ,वर्धा जिल्हा प्रमुख अनिल देवतारे. देवळी पुलगांव आर्वी चे शिवसेना जिल्हा प्रमुख बाळा शहागडकर् उपस्तीत होते. मुणोत यांच्या या सामाजिक कार्याबद्दल सर्व स्थरातून अभिनंदन होत आहे. त्यांचे हे कार्य समाजाकरिता प्रेरणादायी ठरले आहे.
