यावल( प्रातिनिधी )विकी वानखेडे
येथील नगर परिषदचे माजी नगराध्यक्ष तथा नगरसेवक अतुल पाटील व त्यांच्या सहकार्यांनी ५ सप्टेंबर २०२१च्या शिक्षक दिनाचे औचित्य साधुन यावल शहरातील विविध भागात राहणारे गुरुजनांचे त्यांच्या घरोघरी जाऊन शाल व पुष्पगुच्छ देऊन त्यांचा सन्मान करण्यात आल्याचा आगळा वेगळा कार्यक्रम घडवुन आणला. शहरातील साधारणपणे ७८ शिक्षकांना तथा सेवानिवृत्त शिक्षक शिक्षीकांचे या शिक्षक दिनाच्या निमित्ताने सन्मानित करण्यात आले व त्या सन्मानित करण्यात आलेल्या गुरूवर्यांचे आशिर्वाद घेतले . यावेळी या अनोख्या शिक्षक सन्मानित कार्यक्रमात यावल नगरपरिषदेचे नगरसेवक व माजी नगराध्यक्ष अतुल पाटील यांच्यासह सामाजीक कार्यकर्ते एजाज देशमुख , हाजी फारुख मोमीन, गणेश महाजन, आशिष पाटील सर, शब्बीर तडवी, गणेश जोशी, मोसिन कुरेशी, भरत कोळी, प्रशांत पाटील, उदय पाटील यांनी या सन्मानित कार्यक्रमात आपला सहभाग घेतला . अतुल पाटील व त्यांच्या सहकार्यांनी केलेल्या या सन्माना बद्दल सर्व शिक्षकांनी आनंद व्यक्त करून त्यांचे आभार मानले . यावेळी अतुल पाटील यांचे गुरू तथा आदीवासी तडवी भिल्ल एकता मंचाचे , महाराष्ट्र राज्याचे अध्यक्ष व सेवानिवृत्त मुख्याध्यापक एम बी तडवी सर यांनी आपले शिष्य अतुल पाटील यांनी केलेले कार्य हे अतुलनिय असल्याचे म्हटले .
