यावल( प्रतिनिधि) विकी वानखेडे
येथे उद्या पासुन होणाऱ्या नवरात्र उत्सव व गट स्थापनेच्या पार्श्वभुमीवर यावलचे पोलीस निरिक्षक सुधीर पाटील यांच्या प्रमुख मार्गदर्शनाखाली व महावितरणचे सहाय्यक अभीयंता महेश वावरे यांच्या उपस्थितीत शांतता समितीची बैठक संपन्न झाली . यावल येथील पोलीस स्टेशनच्या आवारात दिनांक ६ ऑक्टोबर रोजी सायंकाळी ५ वाजेच्या सुमारास उद्यापासुन सुरू होणारे नवरात्र उत्सव आणी घटस्थापनाच्या पार्श्वभुमीवर यावलचे पोलीस निरिक्षक सुधीर पाटील व नुकतेच यावल येथे बदलुन आलेले महावितरणचे सहाय्यक अभीयंता महेश वावरे यांच्या उपस्थितीत बैठक संपन्न झाली . या बैठकीला शांतता समितीचे जेष्ठ सदस्य हाजी शब्बीर खान मोहम्मद खान, चंद्रकांत गंगाधर देशमुख , राष्ट्रवादीचे तालुका अध्यक्ष प्रा . मुकेश येवले , हाजी ताहेर शेख चाँद , पंचायत समितीचे गटनेते शेखर सोपान पाटील, कृषी उत्पन्न बाजार समितीचे सभापती तुषार पाटील ,प्रमोद नेमाडे , गोपाळसिंग पाटील , इंटकचे जिल्हा अध्यक्ष भगतसिंग पाटील , माजी नगरसेवक गुलाम रसुल गुलाम दस्तगीर , काँग्रेसचे कदीर खान यांच्यासह दुर्गा उत्सव मंडळाचे कार्यकर्ते प्रामुख्याने या बैठकीला उपस्थित होते . यावेळी पोलीस निरिक्षक सुधीर पाटील यांनी सांगीतले की मागील वर्षाच्या तुलनेत या वर्षी कोरोना विषाणु संसर्गाचा प्रार्दुभाव कमी झाला असला तरी कोविड१९चे नियम मात्र कायम ठेवण्यात आले असल्याची माहीती देवुन सर्व मंडळाचे पदाधिकारी यांनी शासनाच्या नियमांचे काटेकोर पालन करीत नवरात्र उत्सव साजरा करावा असे आवाहन केले .
