लातूर /निलंगा प्रतिनिधी
डी.एस.पिंगळे
निलंगा तालुक्यातील अंबुलगा येथील मागच्या अनेक वर्षापासून बंद असलेला डॉ.शिवाजीराव पाटील निलंगेकर शेतकरी साखर कारखाना
आता ट्वेंटीवन शुगर्सच्या वतीने चालविण्यात येणार आहे.
गुढीपाडव्याच्या शुभमुहूर्तावर आज मशिनरीचे पूजन पालकमंत्री अमित देशमुख यांच्या हस्ते या क्षेत्रातील अनेक मान्यवर मंडळींच्या उपस्थितीत झाला .
बंद कारखाना चालू करण्याचा संकल्प करून आज निलंगा तालुक्यात विकासाची गुढी उभारली आहे.
या माध्यमातून मांजरा पट्टया प्रमाणेच तेरणा पट्टयाचाही सर्वांगीण विकास साधला जाईल.
माजी मुख्यमंत्री डॉ शिवाजीराव पाटील निलंगेकर,माजी केंद्रीय गृहमंत्री शिवराज पाटील चाकूरकर आणि माजी मुख्यमंत्री विलासरावजी देशमुख साहेब यांनी दूरदृष्टी ठेवून उभारलेली साखर कारखानदारी आगामी काळातही अत्यंत चांगल्या पद्धतीने चालू त्यांचे स्वप्न साकार केले जाईल.
आज मशीनरी दुरूस्तीचा प्रारंभ केला असून येत्या दसरा,दिवाळीला या कारखान्याच्या प्रत्यक्ष गळीत हंगामाला सुरूवात केली जाईल.
हा कारखाना फक्त साखर उत्पादनाच्या मर्यादेत न ठेवता या ठिकाणी वीज,इथेनॉल,बायोगॅस,इंधननिर्मीतीचेही प्रकल्प उभारले जातील.
डॉ.निलंगेकर साहेब यांनी लावलेले हे रोपटे वटवृक्षात रूपांतरीत केले जाईल,त्यांच्या नावाला शोभेल असेच काम या कारखान्याच्या माध्यमातून होईल अशी ग्वाही ही या प्रसंगी बोलतांना पालकमंत्री अमित देशमुख यांनी दिली.
यावेळी अनेकांनी पालकमंत्री अमित देशमुख यांच्यावरती फेसबूक, ट्विटर, इंस्टाग्राम अश्या प्रकारच्या डिजिटल माध्यमाद्वारे अभिनंदनाचा निलंगा झाला.
