यावल ( प्रतिनिधी )विकी वानखेडे
सोशल मिडियाच्या माध्यमातुन अफवा पसरवुन गैरसमज निर्माण करून दोन समाजात तेढ निर्माण करीत शांतता बिघडवण्याचा व समाज एकोप्याला जर कुणी गालबोट लावण्याचा प्रयत्न केला तर ती कुणी ही आणी किती ही मोठी व्याक्ति असो त्याच्यावर कायद्याशीर कारवाई करण्याचा सुचक ईशारा यावल येथील शांतता समितीच्या बैठकीत फैजपुर विभागाचे विभागीय पोलीस अधिकारी डॉ . कुणाल सोनवणे यांनी पोलीस प्रशासनाच्या वतीने दिला. यावल येथील पोलीस ठाण्याच्या आवारात आज दिनांक ४ मे२०२२ रोजी फैजपुर विभागाचे विभागीय पोलिस अधिकारी डॉ कुणाल सोनवणे यांच्या अध्यक्षतेखाली आणी सहाय्यक पोलीस अधिक्षक अतिश कांबळे यांच्या प्रमुख उपस्थितीत शांतता समितीची बैठक संपन्न झाली या बैठकीला शांतता समितीचे जेष्ठ सदस्य हाजी शब्बीर खान मोहम्मद खान , प्रमोद यशवंत नेमाडे, माजी नगरसेवक दिपक बेहडे , राष्ट्रवादी काँग्रेसचे तालुका अध्यक्ष प्रा . मुकेश येवले , शिवसेनेचे शहरप्रमुख जगदीश कवडीवाले , हाजी गफ्फार शाह, गोपाळसिंग पाटील , भाजपाचे तालुका अध्यक्ष उमेश रेवा फेगडे , शिवसेनेचे तालुका उपप्रमुख शरद कोळी , माजी नगरसेवक गुलाम रसुल मेंबर , भाजपा शहराध्यक्ष निलेश गडे, तालुका खरेदी विक्री संघाचे चेअरमन अमोल भिरूड . शिवसेनेचे पप्पु जोशी, राष्ट्रवादीचे सईद शेख रशीद , हबीब शेख मंजर यांच्यासह आदी मान्यवर मंडळी या बैठकीस उपस्थित होते .सद्या काही असामाजीक विघ्नसंतोषी मंडळी कडुन अफवा फसरवुन शांतता बिघडवण्याचा प्रयत्न करण्यात येत असुन, सर्व जातीधर्माच्या नागरीकांनी असा कुठल्याही अफवांना बळी न पडता आपल्या शहराची व परिसराची शांतता राखण्यासाठी प्रशासनाला सहकार्य करावे असे आवाहन यावेळी विभागीय पोलीस अधिकारी डॉ कुणाल सोनवणे व सहाय्यक पोलीस अधिक्षक IPS अतिश कांबळे यांनी उपस्थित नागरीकांना केले .
