अल्लीपूर :- मौजा कानगाव ते मोझरी या गावाच्या दरम्यान असलेले सार्वजनिक रस्त्यावरील पुलाचे दुरूस्तीचे काम सुरू होते त्या साईडवर त्यांनी पाण्याची व्यवस्था करण्याकरिता वॉटर टँकर आनुन ठेवला होता तो टँकर कोणी तरी अज्ञात चोरट्याने चोरुन नेल्याबाबत पारस हेमंतराव माळोदे रा. वर्धा शासकीय कॉन्ट्रॅक्टदार यांनी दि . 19/08/2022 रोजी पोलीस स्टेशनला दिलेल्या तक्रारी वरुन अप. क्र. 480 / 2022 कलम 379 भा. दं. वि. चा गुन्हा नोंद करण्यात आला होता.
सदर गुन्ह्याचे गांभिर्य लक्षात घेवुन लागलीच आरोपी शोधकामी दोन पथके रवाना करण्यात आलेली होती शोध घेत असतांना मुखबीरकडुन माहीती मिळाली कि राळेगाव येथे राहणारे आरोपी क्र. 1) गौरव किशोर महाजन वय 22 वर्ष 2) प्रविन सुर्यभान कोरंगे वय 38 वर्ष है संशईतरित्या ट्रॅक्टर व टँकर फिरवतांना दिसल्याने त्यांना शिताफिने ताब्यात घेवुन त्यांचे ताब्यातुन गुन्हा करतेवेळी वापरलेला एक विना क्रमांकाचा मँसी कंपनीचा ट्रॅक्टर कि. 5,00,000/- रु. व वॉटर टैंकर कि.1,00,000/-रु. असा एकुन 6,00,000/- रु. चा मुद्देमाल हस्तगत करण्यात आला आहे.
सदरची कामगीरी ही मा. पोलीस अधिक्षक श्री. प्रशांत होळकर सा. वर्धा, मा. अप्पर पोलीस अधिक्षक श्री. यशवंत सोळके सा. वर्धा, तसेच मा. उपविभागीय पोलीस अधीकारी, पुलगाव गोकुळसिंह पाटील, व पोलीस निरीक्षक श्री. सुनिल गाडे पो. स्टे. अल्लीपुर यांच्या मार्गदर्शनात सफौ.संजय रिठे, अशोक चहांदे, प्रविन भोयर, नापोशि. अभय वानखेडे, पोशि. संजय वानखेडे, पोशि निलेश नुगुरवार, पोशि. अनुप नाईक केली असुन पुढील तपास सफौ. संजय रिठे करित आहे.
