संग्रामपूर /— चार साहेबजादे शहीद सप्ताहानिमित्त संग्रामपूर येथे भव्य रक्तदान शिबिराचे आयोजन करण्यात आले आहे. धर्म, देश व मानवतेसाठी बलिदान देणाऱ्या चार साहेबजाद्यांच्या शहीद सप्ताह निमित्त दिनांक 26 डिसेंम्बर 2025 रोजी संग्रामपूर पंचायत समिती चौक श्री हनुमान मंदिरसमोर शीख शिकलीकर मित्र मंडळ, वकील संघ संग्रामपूर व विश्व हिंदू परिषद बजरंग दल,व्हाईस ऑफ मीडिया यांच्या संयुक्त विद्यमाने आयोजित करण्यात आले असून सामाजिक बांधिलकी जपत मानवसेवेचा संदेश देण्याचा उद्देश आहे.
या रक्तदान शिबिरात संग्रामपूर तालुक्यातील युवक, सामाजिक संघटना, विविध समाजबांधव तसेच नागरिकांनी उत्स्फूर्त सहभाग नोंदवण्याचे आवाहन आयोजकांच्या वतीने करण्यात आले आहे. रक्तदान हे श्रेष्ठदान असून, गरजू रुग्णांच्या जीवितासाठी ते अत्यंत उपयुक्त ठरणार आहे, असे आयोजकांनी सांगितले. वैद्यकीय तज्ज्ञांच्या देखरेखीखाली सुरक्षित व शिस्तबद्ध पद्धतीने रक्तसंकलन केले जाणार आहे.
या उपक्रमातून चार साहेबजाद्यांच्या शौर्य, त्याग आणि मानवतेच्या मूल्यांना आदरांजली अर्पण करण्यात येणार आहे.
नागरिकांनी मोठ्या संख्येने सहभागी होऊन या पवित्र कार्यात योगदान द्यावे, असे आवाहन वकील संघाचे ऍड.गणेश क्षीरसागर , बजरंग दल जिल्हासह संयोजक भारत बावसकर, व व्हाईस ऑफ मीडिया तसेच शिख सिकलकर मित्र मंडळकडून पत्रकार दयालसिंग चव्हाण यांच्याकडून करण्यात आले आहे.
शीख धर्माचे दहावे गुरु श्री गुरु गोबिंदसिंह महाराज यांच्या चार सुपुत्रांनी ज्यामध्ये साहिबजादा अजितसिंह,साहिबजादा जुजारसिंह, साहिबजादा जोरावर सिंह, व साहिबजादा फतेह सिंह या चार साहिबजादे म्हणून ओळखले जाते.धर्म, सत्य आणि मानवतेसाठी दिलेले बलिदान भारतीय इतिहासातील सुवर्णअध्याय मानले जाते.
char sahib zada/अल्पवय असूनही त्यांनी अन्याय, जुलूम आणि धर्मांतराच्या दबावासमोर न झुकता अपूर्व धैर्य दाखवले.इ.स. १७०५ मध्ये मुघल सत्तेच्या जुलमी कारभाराविरुद्ध उभे राहताना गुरु गोबिंदसिंह महाराजांच्या कुटुंबावर मोठे संकट कोसळले.
