गुंजोटी येथे दिक्षा बहुउद्देशीय सामाजिक संस्थेचा उपक्रम
सूर्या मराठी न्यूज ऋषिकेश सुरवसे उमरगा
उमरगा : तालुक्यातील गुंजोटी येथील दिक्षा बहुउद्देशीय सामाजिक संस्थेच्या वतीने महिलांना स्वावलंबी, सक्षम व आत्मनिर्भर बनवण्याच्या उद्देशाने आरि वर्क्स प्रशिक्षण कार्यक्रमाचा भव्य शुभारंभ उत्साहात पार पडला.
या कार्यक्रमाच्या अध्यक्षस्थानी श्रीकृष्ण शिक्षण संस्थेच्या अध्यक्षा श्रीमती विभावरी शाईवाले, प्रमुख पाहुण्या म्हणून सरपंच सौ. कौशल्य सुनील बेळमकर उपस्थित होत्या.
यावेळी व्यासपीठावर डॉ. अनिस नझीर शेख, प्रशिक्षण शिक्षिका
ऋतुजा नरेंद्र पाटील, माजी सरपंच सौ. सरस्वती शरद कारे,जिजाऊ ब्रिगेड धाराशिव सौ. रेखा नंदकुमार पवार, ग्रामपंचायत सदस्य सौ. विजया जीवन चव्हाण, माजी प्रा. मुख्याध्यापक सौ. सुरेखा राजेंद्र भोसले, भावसार समाज अध्यक्षा सौ. शैला लोखंडे,
सौ. शितलताई नागभूषण रंगदळ, सौ. अस्मिता अविनाश सूर्यवंशी
,सौ. विद्याताई ताकमोगे, सौ. वैशाली जाधव यांची प्रमुख उपस्थिती होती.
कार्यक्रमाचे मार्गदर्शन माजी जिल्हा परिषद सदस्य सौ. धनश्री रवींद्र ढंगे यांनी केले.
महिलांनी कौशल्य प्रशिक्षणाच्या माध्यमातून स्वयंरोजगाराकडे वाटचाल करावी, तसेच शासकीय योजना, बचतगट, पंचायत राज व्यवस्था आणि महिलांच्या नेतृत्वाची भूमिका महिलांनी केवळ प्रशिक्षणापुरते न थांबता, समाज व गावाच्या विकासात सक्रिय सहभाग घ्यावा, असे आवाहन करण्यात आले.
दिक्षा बहुउद्देशीय सामाजिक संस्था भविष्यातही महिलांच्या सर्वांगीण विकासासाठी विविध उपक्रम राबविणार असल्याचे जाहीर करण्यात आले.
Umrganews/कार्यक्रमाचे सूत्रसंचालन प्रा. तन्मय शेटगार यांनी केले. तर प्रास्ताविक सौ. दिक्षा मल्लिकार्जुन साखरे आभार संस्था सचिव सौ गोदावरी मल्लिकार्जुन साखरे यांनी मानले.या कार्यक्रमास गावातील महिला मोठ्या संख्येने उपस्थित होत्या.
