प्रतिनिधी. गुड्डू कुरेशी
मातंग समाज आरक्षण उपवर्गीकरणासाठी नागपूरच्या महामोर्चात वर्ध्यातून हजारो कार्यकर्त्यांचा सहभाग
संग्राम अशोकराव कळणे प्रदेश संघटक लहुजी शक्ती सेना
सिंदी रेल्वे : मातंग समाजाला सर्व क्षेत्रात न्याय्य प्रतिनिधित्व आणि हक्काचे आरक्षण मिळावे यासाठी उपवर्गीकरणाची मागणी जोर धरत आहे. या मागणीसाठी येत्या १२ डिसेंबर रोजी नागपूर येथे होणाऱ्या मातंग समाज आरक्षण उपवर्गीकरण महामोर्चात वर्धा जिल्ह्यातील हजारो कार्यकर्ते मोठ्या संख्येने सहभागी होणार असल्याची माहिती *लहुजी शक्ती सेनेचे प्रदेश संघटक संग्राम अशोक कळणे* यांनी माहिती दिली.
लहुजी शक्ती सेनेचे संस्थापक अध्यक्ष विष्णू कसबे साहेब* यांच्या नेतृत्वाखाली आरक्षण उपवर्गीकरणासाठी राज्यभरात आंदोलनाची मालिका सुरू आहे. का आहे. या मुद्याकरिता पूर्वीही समाजाने शासन दरबारी निवेदने, मोर्चे, आंदोलने केली असूनही शासनाने दुर्लक्ष केल्याचा आरोप करण्यात आला आहे.
१४ ऑक्टोबर २०२५ रोजी
शासनाने न्यायमूर्ती अनंत बदर समिती नियुक्त करून तीन महिन्यांत अहवाल देण्याची घोषणा केली होती. मात्र समितीने दिलेल्या मुदतीत ठोस निर्णय न २ घेतल्याने शासनाने मुदतवाढ देऊन समाजाची दिशाभूल केल्याचा आरोप करण्यात येत आहे.
याच निषेधार्थ नोव्हेंबरपासून मुंबई ते नागपूर अशी आरक्षण उपवर्गीकरण महापदयात्रा सुरू असून ही पदयात्रा वर्धा जिल्ह्यातून देऊरवाडा, आर्वी, तळेगाव शा. पंत, कारंजा मार्गे नागपूरकडे रवाना झाली आहे. पदयात्रेचा समारोप १२ डिसेंबर रोजी
नागपूर येथे होणार असून त्याच दिवशी विधिमंडळावर भव्य महामोर्चा आयोजित करण्यात येणार आहे.
Wardhanews /वर्धा जिल्ह्यातील सर्व मातंग बांधवांनी या महामोर्चात मोठ्या संख्येने सहभाग नोंदवावा, असे आवाहन श्री. राजेशजी अहिव, श्री, दिलीपभाऊ पोटफोडे, सुधाकरजी वाघमारे, श्री. श्रावणजी वानखेडे,श्री. गजाननजी बावणे,श्री. महेशजी खोडके, संग्राम कळणे, अमोल खंदार यांच्यासह सुशील बावणे, हेमंत चावरे, प्रमोद ससाणे, अनिल पोटफोडे, अजय डोंगरे, महेश गायकवाड, पुष्पाताई पोटफोडे, प्रशांत खंडाळे, विजय चन्ने, अजय जाधव, मंगेश प्रधान, मयुर वानखेडे, कैलाश वेरागडे, गणेश खडसे आणि राजू खंडाळे प्रफुल्ल चिंधुजी कांबळे, सागर बावणे यांनी केले आहे
