सिंदखेड राजा ( सचिन खंडारे )
मेहकर -चिखली या नव्याने बांधण्यात आलेल्या राष्ट्रीय महामार्गावर र असलेल्या चिखली एमआयडीसी जवळ आज दिनांक ८ एप्रिल ला सकाळी ८ वाजताच्या दरम्यान कुत्रा आडवा आल्यामुळे अपघात होऊन एक जण जागीच ठार तर एक जण जखमी झाल्याची घटना घडली !
सविस्तर वृत्त अशी की, मोहाडी येथील विक्रम कोंडू इंगळे व सखाराम इंगळे हे मोहाडी वरून चिखली कडे जात असताना चिखली एमआयडीसी जवळ कुत्रा आडवा आल्यामुळे दुचाकी हिरो होंडा क्रमांक MH २८ M २५२४ या मोटरसायकलचा अपघात होऊन १ जण ठार तर १ जण गंभीर जखमी झाले आहे. या अपघातामध्ये सखाराम इंगळे वय वर्षे ७२ हे जागीच मृत्युमुखी पडले. तर विक्रम कोंडू इंगळे वय वर्षे ५८ हे गंभीर जखमी झाले आहे. दोघेही सिंदखेडराजा तालुक्यातील मोहाडी या गावचे रहिवासी आहेत . विक्रम इंगळे यांना जखमी अवस्थेत औरंगाबाद येथे हलवण्यात आले आहे. तर सखाराम इंगळे यांना शव विच्छेदनासाठी चिखली येथे नेण्यात आले आहे. मृतक सखाराम इंगळे यांच्या पश्चात पत्नी २ मुले व ३ मुली असा आप्तपरिवार आहे. या अपघातामुळे परिसरात हळहळ व्यक्त होत आहे. ‘ मृतकावर वर रात्री नऊ वाजेच्या दरम्यान अंत्यसंस्कार करण्यात आले
