सिंदखेड राजा ( सचिन खंडारे )
सावित्रीबाई फुले स्मृतिदिनानिमित्त ग्रामपंचायत कार्यालय देऊळगाव माळी येथे स्मृतिदिन साजरा करण्यात आला. सर्वप्रथम भारताच्या पहिल्या मुख्याध्यापिका माता सावित्रीबाई फुले यांच्या प्रतिमेची मान्यवरांच्या हस्ते पूजन करून अभिवादन करण्यात आले. कार्यक्रमाच्या अध्यक्षस्थानी ग्रामपंचायतचे सदस्य स्वप्निल गाभणे हे होते तर प्रमुख उपस्थिती म्हणून डॉक्टर डि.के काळे, गजानन गाभणे, नागोजी मगर, जयराम बकाल, केशव मगर हे होते. कार्यक्रमाच्या अध्यक्षस्थानावरून स्वप्निल गाभणे यांनी माता सावित्रीबाई फुले यांनी केलेल्या कार्याबद्दल उजाळा दिला. तर प्रमुख पाहुणे म्हणून डॉक्टर डि.के काळे यांनी माता सावित्रीबाई फुले नसत्या तर मुली शिकल्या नसत्या असे उद्गार यावेळी त्यांनी काढले. कार्यक्रमाच्या यशस्वीतेसाठी ग्रामपंचायत कार्यालयाची कर्मचारी शिवशंकर चांगाडे, गजानन खरात, संतोष मगर व आदी कर्मचाऱ्यांनी मेहनत घेतली. कार्यक्रमाचे आभार प्रदर्शन गजानन गाभने यांनी केले.
