ज्ञानदीप विद्या निकेतन, हिंगणघाट येथिल विद्यार्थिनी कु. जानवी संतोष माथनकर हिची वर्ग ६ वी करीता नवोदय विद्यालय सेलू (काटे) येथे निवड झाली. त्याचप्रमाणे ज्ञानदीप विद्या निकेतन, वाघोली येथिल विद्यार्थी लेखराज नरेंद्र पर्बत याची सुद्धा वर्ग ६ वी करीता नवोदय विद्यालयात निवड करण्यात आली. नवोदय विद्यालयात निवड होण्याची ही सलग दुसरे वर्ष आहे. ही विशेष उल्लेखनीय बाब आहे. दोन्ही विद्यार्थ्यांचे व त्यांच्या पालकांचे अभिनंदन संस्थापक सचिव श्री गिरधर बाबू राठी, अध्यक्षा अर्पणा राठी, मुख्याध्यापिका मिनाती बस्तीया यांनी केले. त्याचप्रमाणे संपुर्ण शिक्षकवृंद तथा शिक्षकेत्तर कर्मचाऱ्यांनी दोन्ही विद्यार्थ्यांचे अभिनंदन केले व त्यांच्या पुढील वाटचालीस भरभरून शुभेच्छा देऊन ज्ञानदीप विद्या निकेतन ची परंपरा अविरत सुरू ठेवण्याचा संकल्प व्यक्त केला.
सूर्या मराठी न्यूज साठी सचिन वाघे वर्धा
