हिंगणघाट दि.३० नोव्हेबर
स्थानिक नगरपालिका मतदारसंघाअंतर्गत असलेल्या बिडकर वार्ड,यादीचा भाग क्र.२०८ व २०९ प्रभाग क्र.७ मधील घर नं.७९ या एकाच निवासस्थानाच्या पत्त्यावर एकूण ८४ मतदारांची नोंद करण्यात आली आहे. या निवासस्थानाचे पत्त्यावर तेथे राहणाऱ्या व्यतिरिक्त सुमारे ८४ इतर मतदारांची नोंद आहे, हे ८४ मतदार इतरत्र राहत असून हे बोगस मतदार असल्याची शंका निर्माण झाली आहे.
यामुळे या प्रभागातील मतदारांमधे संभ्रम निर्माण झाला असून या शंकेचे निरसन
करण्यासाठी सौ.वंदना दिनेश वाघ,रा.बिडकर वार्ड यांनी उपविभागीय अधिकारी तथा निवडणूक निर्णय अधिकाऱ्यांकडे आक्षेप नोंदविला असून याप्रकरणी योग्य कारवाई न झाल्यास आन्दोलनाचा इशारासुद्धा निवेदनाद्वारे दिला आहे.
आक्षेप घेणारी अर्जदार सन २०१६ मधील नगर पालिका सार्वत्रिक निवडणुकीत उमेदवार होती.
हिंगणघाट पालिका मतदारसंघाअंतर्गत येत असलेल्या बिडकर वार्ड,यादी भाग क्र.२०८ व २०९ प्रभाग
क्र.७ मधील घर नं.७९ या एकमेव घराच्या पत्त्यावर एकूण ८४ मतदान कार्ड धारकांची नोंद आहे.तसेच या पत्त्यावर ८४
रहिवाशी असल्याची नोंद आहे,यासंदर्भात पुराव्या करिता मतदारयादीसुद्धा या निवेदना सोबत जोडण्यात आली आहे. परंतु या पत्त्यावर राहणारे जवळपास सर्वच मतदार ओळखपत्र धारक हे या पत्त्यावर रहात नसुन ते इतरत्र राहतात असा आक्षेपही यावेळी घेण्यात आला.या बाबत सखोल चौकशीची मागणी करण्यात आली असून बोगस मतदान सिद्ध झाल्यास मागील सन २०१६ मधील नगर पालिका सार्वत्रिक निवडणुकीत सदर तक्रारकर्त्यां महिलाउमेदवाराचा १०६ मतांनी पराभव झाला होता.
यास जबाबदार कोण? असा सवालही अर्जदाराने उपस्थित केला आहे.
उपरोक्त प्रकरणाची सखोल चौकशी करुन येत्या होणाऱ्या नगर पालिका सार्वत्रिक निवडणुका पारदर्शक व्हाव्या अशी मागणी करण्यात आली आहे.
उपरोक्त प्रकरणी अधिक चौकशी केली असता तक्रारकर्त्यां सौ.वाघ यांनी दिलेला निवासस्थानाचा क्रमांक याच प्रभागातील कार्यरत नगरसेविकेचा असून तिने नुकताच पक्षबदल केलेला आहे.
या बोगस मतदारप्रकरणी निवडणुक यंत्रणा काय निर्णय घेते याकडे शहरातील जनतेचे लक्ष लागलेले आहे.
