पत्नीकडे वाईट नजरेने का पहातो? असा जाब विचारीत एका दारूविक्रेत्याने तेलाच्या केटलीने मारहाण केल्याची घटना शहरातील निशाणपुरा वार्ड येथे दुपारी घडली.
शहरातील नेताजी वार्ड येथील रहिवासी अजय विलास साठोणे हा रुपेश व शुभम या मित्रांसोबत हमाली कामावर जात असताना आरोपी अजय नागोराव ठोंबरे रा. निशानपुरा याच्या घरी गेले. रुपेश व शुभम दारू पिण्याकरिता घरात गेले असता अजय साठोणे घराबाहेरच उभा होता.
आरोपी अजय ठोंबरे हा तेथे आला व फिर्यादि अजय साठोणे सोबत वाद घालु लागला. तू माझ्या घरी दारू पिण्यासाठी का येतो ? माझ्या बायकोकडे वाईट नजरेने का पाहतो ? यावरून दोघांमध्ये वाद सुरू झाला . यावेळी आरोपी अजय ठोंबरे याने तेलाची केटलीने अजय साठोणे याचे डोक्यावर मारहाण करीत त्याला जखमी केले.फिर्यादिचे तक्रारीवरुन हिंगणघाट पोलिसांनी कलम ३२४ ,५०४ अंतर्गत गुन्हा दाखल केला, पुढील तपास हिंगणघाट पोलिस करीत आहे.
