हिंगणघाट
सुप्रसिद्ध विधीज्ञ उज्जवल निकम हे एका बहुचर्चीत खटल्यासाठी हिंगणघाट येथे आले असतांना त्यांनी डाॕ.बी.आर.आंबेडकर विद्यालय, कनिष्ठ महाविद्यालयाला सदिच्छा भेट देऊन शाळा ,कनिष्ठ महाविद्यालयाअंतर्गत राबविण्यात येणाऱ्या शैक्षणिक आणि सामाजिक उपक्रमांची माहिती जाणून घेतली. शालेय उपक्रमांशिवाय पर्यावरण संवर्धन आणि संरक्षण , विद्यार्थ्यांना स्पर्धा परीक्षेसाठी सक्षम करणे , समाजातील गरीबांना,कष्टकऱ्यांना,शेतमजूरांना मदत करणे इत्यादी शाळा ,कनिष्ठ महाविद्यालय चालवित असलेल्या उपक्रमाबद्दलची माहिती प्राचार्य एस.एम.राऊत यांनी दिली.माहिती जाणून घेतल्यावर अॕड. उज्जवल निकम यांनी समाधान व्यक्त करून ही शैक्षणिक संस्था उत्तरोत्तर प्रगती करेल असा अभिप्राय व्यक्त केला.सोबतच देशात अनेक राष्ट्रीय ,सामाजिक महत्वाचे प्रश्न असतांना आणि युवकांमध्ये गुन्हेगारीचे प्रमाण वाढत असतांना शासन आणि प्रसार माध्यमे मात्र निराधार गोष्टींवर चर्चा करीत असल्याची चिंता व्यक्त केली. अॕड.उज्जवल निकम शाळा कनिष्ठ महाविद्यालयात सदिच्छा भेटीला आल्यानंतर सर्वप्रथम त्यांचे स्वागत संस्थेचे सचिव अनिल जवादे आणि प्राचार्य राऊत यांनी केले.याप्रसंगी उपप्राचार्य गुडदे ,पर्यवेक्षक दिनेश वाघ व इतर प्रशासकीय मंडळीची उपस्थिती होती.
सूर्या मराठी न्यूज साठी सचिन वाघे वर्धा
