सुनिल पवार ..नांदुरा ता.प्र.
नांदुरा:- तालुक्यातील ग्राम भोटा येथे जि.प.शाळेमधील दोन शिक्षकांना कार्यमुक्त न करता नियमबाह्य पद्धतीने बदली करण्यात आली या विरोधात ग्राम भोटा येथील जि.प. शाळा समिती व गावकरी पंचायत समिती नांदुरा येथे आमरण उपोषणाला बसले आहेत जो पर्यंत दोन शिक्षक कायमस्वरूपी रुजू होणार नाहीत तोपर्यंत उपोषण मागे घेणार नाही असे उपोषण कर्त्यांच्या वतीने सांगण्यात आले आहे.उपोषण कर्ते जि.प.शाळा व्यवस्थापन समिती अध्यक्ष शिवचरण कि.पारस्कर, सरपंच प्रविण कोकाटे, उपसरपंच तेजराव भोटकर, भिमराव ना.भोटकर, संजय भोटकर, रामकृष्ण पारस्कर,महादेव पारस्कर,शिवहरी पारस्कर, सचिन पारस्कर आदी उपोषणाला बसले आहेत.
यावेळी या उपोषणाला महाराष्ट्र नवनिर्माण विद्यार्थी सेनेच्या वतीने जाहीर पाठिंबा देण्यात आला आहे.
यावेळी माजी पं.समिती उपसभापती नांदुरा संतोष बाप्पू देशमुख, महाराष्ट्र नवनिर्माण सेनेचे जेष्ठ नेते माजी तालुकाध्यक्ष श्रीकृष्ण सपकाळ, महाराष्ट्र नवनिर्माण विद्यार्थी सेनेचे जिल्हा उपाध्यक्ष, शिवचरण पारस्कर, महाराष्ट्र नवनिर्माण विद्यार्थी सेनेचे जिल्हा सचिव राहुल चोपडे यांनी उपोषणाला भेट दिली.
व जाहीर पाठिंबा दिला.
