यावल ( प्रतिनिधी ) विकी वानखेडे
येथे जिल्हा विधी सेवा प्राधीकरणच्या अंतर्गत यावल तालुका विधी सेवा समिती व्दारे आयोजीत करण्यात आलेले कायदेविषयक मार्गदर्शन शिबीर यावल येथे न्या ..एम .एस .बनचरे तसेच विविध विभागातील प्रशासकीय अधिकारी व आदी मान्यवरांच्या उपस्थित संपन्न झाले. यावल येथील पंचायत समितीच्या नुतन प्रशासकीय ईमारतीच्या सभागृहात जिल्हा विधी सेवा प्राधिकरणच्या अंतर्गत यावल विधी सेवाच्या वतीने आयोजीत करण्यात आलेल्या कायदेविषयक शिबीराच्या अध्यक्षस्थानी यावल न्यायालयाचे न्या .एम.एस .बनचरे हे होते तर प्रमुख मार्गदर्शक वक्ते म्हणुन निवासी नायब तहसीलदार आर के पवार , पंचायत समितीच्या गटविकास अधिकारी मंजुश्री गायकवाड ( बोरसे ) , यावल पंचायत समितीचे ग्रामपंचायत विस्तार अधिकारी किशोर सपकाळे , महीला व बालविकास कार्यालयाच्या प्रभारी अर्चना आटोले , संजय गांधी निराधार समिती विभागाच्या नायब तहसीलदार सौ .बबीता भुसावरे , अॅड .डी. आर . बाविस्कर , अॅड .अशोक सुरळकर यांच्यासह आदी मान्यवर या कार्यक्रमास उपस्थित होते . यावेळी न्या. एम .एस .बनचरे यांनी गरजु लोकांना मोफत कायदेशीर मदत व सरकारी खर्चाने न्याय मिळवुन देणे , मध्यस्थता केन्द्रा मार्फत आप आपसातील वाद समोपचाराने सोडविणे , महीलांच्या विविध कायदेशीर अधिकारी व त्यांच्यावरील होणारे लैंगिक शोषण व गर्भलिंग निदान प्रतिबंधक्र कायद्याविषयी तसेच बेटी बचाव बेटी पढाव या योजनेचे प्रसार प्रचार करणे आदी विषयाबाबत या शिबीराच्या माध्यमातुन जनजागृतीपर कायदेविषयक मार्गदर्शन केले . यावेळी निवासी नायब तहसीलदार आर के पवार , गटविकास अधिकारी मंजुश्री गायकवाड , ग्राम पंचायत विस्तार अधिकारी किशोर सपकाळे यांनी उपस्थितांना शासकीय योजनेचा लाभ मिळवाया विषयी व पर्यावरणाचे समतोल राखण्यासाठी वृक्ष लागवड यांच्या सह आदी महत्वाच्या विषयांची सविस्तर माहीती दिली . कार्यक्रमाचे सुत्रसंचालन यांनी केले तर उपस्थितांचे आभार निवासी नायब तहसीलदार आर के पवार यांनी मानले .
