यावल ( प्रतिनिधी )विकी वानखेडे
कोरोना संसर्गाच्या पार्श्वभुमीवर जिल्ह्यात सर्वत्र लॉकडाऊन लावण्यात आले असुन , या लॉकडाऊनच्या काळत गरज नसतांना अनावश्यक विनाकारण फिरणाऱ्यांसह नियमांचे उल्लंघन करीत आपली दुकाने बाहेरून बंद करून आतुन किंवा वेगवळ्या पद्धतीने व्यवसाय करीत असलेल्या व्यापाऱ्यांवर दंडात्मक कारवाई करण्यात येत असुन आज ही सकाळच्या सत्रात दोन दुकानांवर दंडात्मक कारवाई करण्यात आली आहे . या संदर्भात नगर परिषदच्या सुत्रांकडुन मिळालेल्या माहीतीनुसार आज दिनांक २१ मे शनिवार रोजी शहरातील भुसावळ पॉईंट परिसरातील यावल खरेदी विक्री संघाच्या व्यापारी संकुलनातील सदगुरू आणी यश एजन्सीज मोबाइल दुकानावर प्रत्येकी पाच हजार रुपये प्रमाणे कोविड१९च्या नियमांचे उल्लंघन केल्याप्रकरणी ही दंडात्मक कारवाई करण्यात आली असुन ,या कार्यवाहीत यावल नगर परिषदचे प्रशासकीय अधिकारी विजय बडे यांच्या मार्गदर्शनाखाली नगर परिषद स्वच्छता अधिकारी शिवानंद कानडे, पोलीस अमलदार सलीम शेख , ज्ञानेश्वर कोळी यांच्यासह गृहरक्षक दलाचे कर्मचारी , नगर परिषदचे रवी काटकर , स्वनील म्हस्के , संदीप पारधे , विश्वनाथ शाहरुख खाटीक गजरे , नितिन पारधे यांच्यासह आदीनी या कारवाईत सहभाग घेतला .
