अजहर शाह मोताळा
बुलडाणा:- भारतीय जनता पक्षाची स्थापना 6 अप्रिल 1980 रोजी भारतीय जनसंघ व जनता पक्ष यांची मिळून झाली. आज पक्षाचा 41 वा स्थापना दिवस असल्याने बुलडाना येथे प्रदेश कार्यकारिणी सदस्य मा आमदार विजयराजजी शिंदे यांच्या जनसंपर्क कार्यालय “शिवालय” येथे भाजपा पदाधिकारी व कार्यकर्ते यांच्या उपस्थितीत साजरा झाला.
भारतीय जनता पक्षाच्या उभारणी व विचारधारेत ज्यांचे भरीव योगदान आहे अश्या भारतीय जन संघाचे संस्थापक स्व.श्यामाप्रसादजी मुखर्जी व पंडित दिन दयाल उपाध्याय यांच्या प्रतिमेचे प्रथमतः पूजन करून लोकनेते विजयराजजी शिंदे यांच्या हस्ते पूजन करून पुष्पहार अर्पण करून या महापुरुषांना उपस्थित सर्वानी अभिवादन केले. यावेळी “भारतीय जनता पक्षाचा विजय असो” , “भारत माता की जय” आदि घोषनांनी कार्यलय परिसर दणानून गेला होता.
यावेळी बोलताना मा.आमदार विजयराजजी शिंदे यांनी बोलताना सांगितले की ,”भारतीय जनता पक्षास गौरवशाली व संघर्षशिल इतिहास आहे. पक्षाचे अनेक महापुरुषांच्या परिश्रमातुन विशाल अश्या वटवृक्षात रूपांतर झालेले आहे.पक्षाची राष्ट्रवादाची विचारधारा व अंत्योदय सिद्धांत यांच्या आधारावर पक्ष जनतेच्या विश्वासास पात्र ठरलेला आहे तसेच पंत प्रधान मा.नरेंद्रजी मोदी यांच्या सक्षम नेतृत्वात येणाऱ्या काळात देश “आत्मनिर्भर भारताचे स्वप्न पूर्ण करेल यांत शंका नाही” असे मत व्यक्त केले.
यावेळी महिला मोर्च्याच्या जिल्हाध्यक्ष सिंधुताई खेड़ेकर,मा.नगराध्यक्ष विठ्ठलराव येवले,प्रा.जगदेवराव बाहेकर, तालुका सरचिटणीस अर्जुन दांडगे,नगरसेवक अरविंद होंडे,प्रा.प्रभाकर वारे, दत्ताभाऊ पाटिल,प्रकाश राजगुरे,विनायक भाग्यवंत,नंदिनीताई साळवे,पद्मनेताई,गणेश पांडे,विधि आघाडीचे जिल्हाध्यक्ष ऍड मोहनदादा पवार,ऍड दशरथसिंग राजपूत,शेख रशिद ई कार्यकर्ते पदाधिकारी उपस्थित होते.
