हिंगणघाट शहरातील विवेकानंद वार्ड येथील रहिवासी नरेश विठ्ठलराव वानखेड़े(४८) हा भोई समाजाचा इसम दि.२९ जुलै रोजी वणा नदीतील स्मशानेश्वर महादेव परिसरातुन वाहुन गेला होता.आज दि.२ रोजी त्याचा वणा नदी रेल्वेपुला जवळ मृतदेह सापडला.
पोलिस व महसुल प्रशासनाने शोध घेऊनही सदर इसमाचा शोध लागला नव्हता, स्थानिक भोई समाजाचे युवकांनीही यासाठी यासाठी ४ दिवस प्रयत्न केले होते,परंतु प्रशासन हतबल झाल्यानंतर यासाठी स्थानिक आमदार समिर कुणावार यांनी विशेष प्रयत्न करुन एनडीआरएफ चमुला पाचारण केले,यासाठी राज्याचे माजी अर्थमंत्री सुधीर मुनगंटीवार यांनीसुद्धा मदत केली.
घरी आलेल्या पाहूणयांसाठी पाहुणचार करण्यासाठी मासेमारी करतांना सदर इसमास आपला प्राण गमवावा लागला,यामुळे वानखेड़े कुटुंबियांवर मोठा आघात झाला,मृतकाच्या मागे दोन मुले,एक मुलगी,पत्नी असा आप्तपरिवार आहे.
आमदार समिर कुणावार यांचे पुढाकाराने काल १ रोजी एनडीआरएफची नागपुर येथील चमु शहरात दाखल झाली, या चमुचे निरीक्षक कृपाल मुडे यांचे मार्गदर्शनाखाली आज आखलेल्या शोधमोहिमेत सकाळी ६ वाजताचे दरम्यान सदर इसमाच्या मृतदेहाचा शोध लागला,वेणा नदिवर रेल्वे पुलाचे जवळपासच मृतदेह उन्हाळ्यात तात्पुरत्या स्वरुपात मोठे सीमेंट पाइप टाकून रस्ता करण्यात आला होता,नदीच्या प्रवाहात वाहुन गेलेल्या या इसमाचा मृतदेह या पाइपजवळ साचलेल्या काटेरी झुड़पात फसुन होता.
सदर मृतदेह हाती लागताच आमदार समिर कुणावार,तहसीलदार श्रीराम मुंदड़ा,मुख्याधिकारी अनिल जगताप,ठाणेदार संपत चव्हाण व चमु घटनास्थळी पोचली.
यावेळी प्रभागाचे नगरसेवक धनंजय बकाने,माजी जिल्हा परिषद अध्यक्ष नितिन मडावी युवा कार्यकर्ते दिपक चौधरी,हिरामण मोरे,संदीप आमगे,भोला नींभरे,कमलाकर वाघ,प्रशांत लांडगे,प्रविण उपासे इत्यादि हजर होते.
सदर मृतदेहाचे घटनास्थळीच शवविच्छेदन करण्यात आले. सुर्या मराठी न्यूज़ साठी सचिन वाघे हिंगणघाट ,वर्धा
