डी एस पिंगळे
निलंगा तालुका प्रतिनिधी
महाराष्ट्र माध्यमिक व उच्च माध्यमिक शेडोळ येथील विद्यालयात क्रांतीज्योती सावित्रीबाई फुले यांची १९१ जयंती साजरी करण्यात आली याप्रसंगी कार्यक्रमाच्या अध्यक्ष श्रीमती उषादेवी बस्वराज स्वामी प्रमुख पाहुणे,श्री गुणवंत जाधव,श्री.बस्वराज स्वामी, विद्यालयाचे प्राचार्य श्री एस बी कदम सर,यांच्या हस्ते क्रांतीज्योती सावित्रीबाई फुले यांच्या प्रतिमेस पुष्पहार अर्पण करण्यात आले.याप्रसंगी व्यासपीठावर श्री पाटील सर श्री जाधव सर श्री कुनाळे सर, श्री डी एन सुर्यवंशी सर श्रीमती तुगावे मॅडम,श्रीमती बरदाळे मॅडम, होते, याप्रसंगी विद्यालयातील विद्यार्थ्यांनी सावित्रीबाई फुले यांच्या जीवनावर कविता सादर केली, तसेच ओव्या, एकांकिका व नाटकांच्या माध्यमातून सावित्रीबाईंच्या जीवनावर प्रकाश टाकला व स्वच्छतेचे महत्त्व, हुंडा बळी, महिलांचे शिक्षण यावर सुंदर नाटिका प्रस्तुत केली.
याप्रसंगी विद्यालयातील ९२ विद्यार्थिनींनी सावित्रीबाई ची वेशभूषा परिधान करून मुलांनी विनोबाजी फुले यांची वेशभूषा परिधान करून शाळेत आगमन केले होते. कार्यक्रमाचे प्रस्ताविक श्री पाटील सर,सूत्रसंचालन श्री काळे सर व आभार प्रदर्शन श्री सय्यद सर यांनी मांडले.कार्यक्रमाच्या यशस्वीतेसाठी विद्यालयातील सर्व शिक्षक व शिक्षकेतर कर्मचारी यांनी परिश्रम घेतले..
