Home Breaking News खडसे करणार दोन दिवसात पुरावे सहित मोठी घोषणा , कोण येणार अडचणीत

खडसे करणार दोन दिवसात पुरावे सहित मोठी घोषणा , कोण येणार अडचणीत

1434
0

 

 

(सूर्या मराठी न्युज)

राजकीय धमाका कोणाचा चेहरा येणार समोर काय होउ शकते कोणाचा धाब्बे दणाणले आहे काय आहे प्रकरण , भाईचंद हिराचंद रायसोनी मल्टिस्टेट को-ऑपरेटिव्ह क्रेडिट सोसायटी अर्थात बीएचआर संस्था प्रकरणात आर्थिक गुन्हे शाखेकडून चौकशी सुरू असल्याने यादरम्यान बोलणे योग्य ठरणार नाही. आपल्याकडे याविषयीची कागदपत्रे, पत्रव्यवहार असून दोन दिवसात ही सर्व माहिती पत्रकार परिषद घेऊन देतो अशी माहिती माजी मंत्री आणि राष्ट्रवादीचे नेते एकनाथ खडसे यांनी ‘लोकमत’शी बोलताना दिली. या प्रकरणात जिल्ह्यातील दिग्गजच अधिक असून संस्थेची मालमत्ता कवडीमोल भावात घेतलेल्या आमदार, खासदार, माजी मंत्री याची पण माहिती असून ती देणार असल्याचेही खडसे म्हणाले. दरम्यान एकनाथ खडसे यांनी याविषयी तक्रारी करून ते आता कोणावर फास आवळत आहे अशी चर्चा सुरू झाली आहे.

बीएचआर संस्थेतील अपहार, गुंतवणूकदारांची देणी न देणे, संस्थेच्या मालमत्तेची कवडीमोल भावाने विक्री करणे व पुणे येथे दाखल गुन्ह्या संदर्भात जळगावात आर्थिक गुन्हे शाखेकडून दोन दिवसांपासून चौकशी सुरू आहे‌. यासंदर्भात खडसे यांच्याशी संवाद साधला असता ते म्हणाले, याविषयी आपण राज्य सरकारकडे २०१८पासूनच १५ ते १६ तक्रारी केल्या आहे. सोबतच खासदार रक्षा खडसे यांच्या लेटरहेडवरदेखील दिल्ली येथे व अॅड. कीर्ती पाटील यांनीदेखील तक्रारी केल्याचे खडसे यांनी सांगितले.

या पूर्वीच्या राज्य सरकारने कारवाई थांबवली
दोन वर्षांपूर्वी तक्रारी केल्या तरी या पूर्वीच्या राज्य सरकारने कारवाई थांबवून ठेवण्याचा आरोपदेखील खडसे यांनी माजी मुख्यमंत्री देवेंद्र फडणवीस यांचे नाव न घेता केला. या गैरव्यवहार प्रकरणी प्रथम राज्य सरकारकडे आपण तक्रारी केल्या होत्या. मात्र बीएचआर संस्था मल्टीस्टेट क्रेडिट को-ऑपरेटिव्ह सोसायटी कायदा २००२ प्रमाणे या संस्थेवर कारवाईचे अधिकार केंद्र सरकारला असल्याने राज्याचे सहकार आयुक्त यावर कारवाई करू शकत नव्हते. त्यामुळे त्यांनी हा चौकशी अहवाल सरकारला पाठविला होता. त्यानंतरही राज्य सरकारने चौकशी थांबवून ठेवली होती असे खडसे यांचे म्हणणे आहे.

दोन दिवसात दिग्गजांची नावे समोर
या प्रकरणात जिल्ह्यातील खासदार, आमदार, माजी मंत्रीदेखील अडकले असून त्यांनी संस्थेची मालमत्ता कवडीमोल भावात घेतली आहे. या सर्वांचीदेखील चौकशी होणार असून आत्ताच माहिती दिल्यास चौकशीत हस्तक्षेप केल्यासारखे होईल. ते योग्य होणार नाही म्हणून चौकशी संपल्यानंतर दोन दिवसात सर्व माहिती व कागदपत्रेदेखील देतो असे खडसे म्हणाले.

हा घोटाळा हजारो कोटींचा असल्याचे सांगितले जात असून यात जिल्ह्यातील दिग्गज अडकल्याने अनेकांचे धाबे दणाणले आहेत. सोबतच आता खडसे यांनी दोन दिवसात संपूर्ण कागदपत्रेदेखील देतो असे सांगितल्याने जिल्ह्यातील राजकारण काय वळण घेते व कोणावर कारवाई होते याकडे सर्वांचे राजकीय व लोकांचे लक्ष लागले आहे. तरी या राजकीय स्पॉट मध्ये कोनाचा चेहरा येणार समोर येही पाहणे खूप गरजेचे ठरू शकते

Previous articleठेकेदार रमेश काटे यांच्याकडून गावातील 50 कुटुंबीयांना मोफत ब्लँकेटचे वाटप !
Next articleउद्या पासून रेल्वे धावणार , नवीन वेळेनुसार

LEAVE A REPLY

Please enter your comment!
Please enter your name here