सिंदखेडराजा ( सचिन खंडारे )
सिंदखेड राजा तालुक्यातील मलकापूर पांग्रा येथे सकाळी १०वाजता ऐजी लाईन वर काम करत असताना विद्युत प्रवाह अचानक पणे सुरु झाल्यामुळे मलकापूर पांग्रा ग्रामपंचायत मध्ये काम करणारे ग्रामपंचायत शिपाई .विशंभर श्रावण मांजरे वय 50 यांचा खांबावरच विजेचा प्रवाहामुळे दुर्दैवी मृत्यू झाला ‘
यामुळे मृत्युची बातमी गावात पसरताच हजारो लोक घटनास्थळी दाखल झाले ‘व दोषी असणाऱ्या लाइनमन व हेल्पर वर कारवाई करण्याची मागणी करू लागले .जोपर्यंत दोषींवर गुन्हा दाखल होत नाही तोपर्यंत प्रेत खांबावरून काढणार नाही असा पवित्रा नातेवाईकांनी यावेळी घेतला ‘त्यामुळे गावांमध्ये तणावाचे वातावरण निर्माण झाले होते ‘माहिती मिळताच साखरखेडा पोलीस स्टेशनचे ठाणेदार जितेंद्र आडोळे दुय्यम ठाणेदार दीपक राणे व पोलीस कर्मचारी सोबत घेऊ यांनी घटनास्थळ गाठले ‘लोकांना शांत करण्याचा त्यांनी प्रयत्न केला पण लोक ऐकत नव्हते .त्यानंतर मृतकाचे भाऊ ‘नंदू श्रावण मांजरे वय ४२ यांनी साखरखेर्डा पोलीस स्टेशन मध्ये रीतसर तक्रार दाखल केली ‘या तक्रारी मध्ये त्यांनी असे नमूद केले आहे की ’16 मार्चला सकाळी दहा वाजता लाईनमन .प्रशांत देशमुख व हेल्पर सोनपसारे .यांनी माझ्या भावाला बोलावून नेले ‘मलकापूर पांग्रा ते साखरखेर्डा रोडवर असलेल्या .रविराज वाईन बार समोरील एजी लाईनवर खांबावर पाठवले .व अचानकपणे वीजप्रवाह सुरू झाल्यामुळे माझा भाऊ मरण पावला ‘त्यामुळे लाईनमन प्रशांत देशमुख व हेल्पर सोनपसारे यांच्या वर त्याच्या मृतकाच्या भावाच्या तक्रारीवरून साखरखेर्डा पोलीस स्टेशन मध्ये कलम ‘ ३०४नुसार गुन्हा दाखल करण्यात आला आहे ‘गुन्हा दाखल झाल्याबरोबर गावकऱ्यांनी प्रेत खांबावरून खाली घेतली व शवविच्छेदन करण्यासाठी बिबी येथे पाठवले ‘घटनेची माहिती मिळताच भाजप नेते विनोद भाऊ वाघ उपविभागीय पोलिस अधिकारी श्री विलास यामावार हे घटनास्थळी दाखल झाले ‘नेमके विद्युत प्रवाह कसा सुरू झाला यावरून गावात तर्कवितर्कांना चर्चेला उधाण आले होते !ग्रामपंचायत शिपाई असलेले ‘विशंभर मांजरे हे अतिशय मृदू स्वभावाचे होते त्यामुळे मलकापूर पांग्रा गावात एकच शोककळा पसरली आहे .वृत्त लिहीपर्यंत मृतकांचा अंतिम संस्कार झालेला नव्हता ‘पुढील तपास साखरखेर्डा पोलिस स्टेशनचे ठाणेदार जितेंद्र आडोळे यांच्या मार्गदर्शनाखाली पोलिस करत आहेत ‘
