सचिन वाघे वर्धा
20 एप्रिल :- हिंगणघाट येथील चार तरुण तडफदार डॉक्टरांच्या कोविड रुग्णालयाच्या साठी आमदार कुणावर व माजी आमदार राजू तिमांडे यांनी प्रचंड मेहनत घेऊन या रुग्णालयासाठी 10 बेड्सची मंजूरी मिळवून दिली, व सोबतच 5 सिलेंडर्सचीही व्यवस्था करून दिली.व विशेष म्हणजे समाज माध्यमावर कुणावार आणि तिमांडे हे दोघेही याची व्यवस्था मी केली हे सांगत आहे. कोणाच्याही मदतीनेने का होईना खासगी हॉस्पिटल साठी तुम्ही दोघांनी हिंगणघाट शहरात कोविड रुग्णांसाठी व्यवस्था केली याबद्दल तुमचे शतशः अभिनंदन
आपल्या शहरात 50 कोटीची सुजज्ज असे उपजिल्हारुग्णालयाची इमारत आहे.या ठिकाणी कोविड रुग्णांसाठी 50 बेड्सची मान्यता आहे.ही इमारत सुसज्ज असल्याने याठिकाणी कोविड-19 रुग्णासाठी 200 बेडसची व्यवस्था सहज होऊ शकते.५० रुग्णासाठी ऑक्सीजन ची व्यवस्था आहे.आता या समुद्रपूर व हिंगणघाट तालुक्यातील गोरगरीब कोविड रुग्णासाठी जर या हॉस्पिटलमध्ये बेड्सची संख्या वाढवून ऑक्सिजन जर उपलब्ध झाले तर असंख्य गरीब रुग्णांना सेवाग्राम,सावंगी,नागपूर वा अन्य ठिकाणी जावे लागणार नाही.व तिथे जाऊनही बेड्सची व्यवस्था होईल याची गॅरंटी नाही.त्यामुळे गरीब रुग्ण व त्यांच्या नातेवाईकांना शारीरिक आर्थिक व मानसिक त्रास सहन करून पुन्हा वापस आपल्या घरी यावे लागते.या जाण्या-येण्यात अनेकांना प्राण गमवावे लागत आहे.
आमदार कुणावार,आणि माजी आमदार तिमांडे यांनी या मतदार संघातील आपल्या गोरगरीब असहाय जनतेसाठी जर या रुग्णालयात 200 बेड्स वाढवूनऑक्सिजनची व्यवस्था केली तर तुमच्याच मतदार संघातील गोरगरीब जनता तुम्हाला तुमच्या उदंड आयुष्यासाठी निश्चितच दुवा देतील यात शंकाच नाही.
आज तुम्ही खासगी डॉकटरच्या कोविड रुग्णालयासाठी जी धावाधाव केली व मंजुरी मिळवून दिली याबद्दल आपले अभिनंदनच आहे पण अशीच धावपळ जर आपण उपजिल्हा रुग्णालयासाठी केली तर ईश्वर आपणास नक्कीच यापेक्षा उच्च स्थानावर नेऊन ठेवल्या शिवाय राहणार नाही.कारण या उपजिल्हा रुग्णालयात येणारे रुग्ण हे शेतकरी,शेतमजूर,गिरणी कामगार,भाजी विक्रेते व अतिशय गरजू व मध्यम वर्गीय उपचारासाठी येतात आणि भाऊ लोकहो आपणा सर्वांना माहीतच आहे की,सरकारी दवाखाना व खासगी दवाखाना यात बिलांची किती प्रचंड तफावत आहे.नागपुरात खासगी रुग्णालये कोविड रुग्णांपासून 3 ते साडे तीन लाख रुपयांपर्यंत फी आकारतात तर सरकारी रुग्णालयात केवळ 10 रु गोरगरिबांचे काम होते साहेब.
हा फरक आहे सरकारी व खासगी रुग्णालयात!
म्हणून तुम्ही मायबाप कुणावार साहेब आणि तिमांडे साहेब ज्या जिव्हाळ्याने व ताकदीने तुम्ही खासगी रुग्णलयाला कोविड सेरन्टरची मान्यता मिळवून दिली तशीच तत्परता तुम्ही येथील उपजिल्हा रुग्णालयात 200 बेड्सची व आक्सिजनची व्यवस्था करावी .
