अनिलसिंग चव्हाण( मुख्य संपादक)
श्री क्षेत्र माऊली जन्मभूमी आपेगाव च्या दिंडी प्रस्थान सोहळ्याला आज नगर प्रशिक्षना देत सुरुवात…
ज्ञानोबा माऊली,ज्ञानराज माऊली तुकाराम…
टाळ मृदुंगाच्या गजरात आपेगाव नगरी दुमदुमली…
बुलडाणा:
माऊली जन्मभूमी श्रीक्षेत्र आपेगाव येथे माऊली माता पिता दिंडी प्रस्थान सोहळ्यापूर्वी 18 जुलैला सकाळी 11 वाजता माऊली मातापित्यांच्या पादुका अभिषेक नामदार संदिपान भुमरे व विश्वस्तांच्या हस्ते करण्यात आला. त्यानंतर आपेगावात नगर प्रदीक्षना करीत मिरवणुक काढण्यात आली.
माऊली माता-पित्यांना निरोप देण्यासाठी माऊली जन्मभूमी आपेगाव संस्थान चे विश्वस्त,अध्यक्ष ज्ञानेश्वर विष्णु महाराज कोल्हापूरकर दादा, शिवाजी महाराज शेलूकर, नामदार संदिपान भुमरे,आझाद हिंद शेतकरी संघटनेचे राष्ट्रीय अध्यक्ष अँड.सतीशचंद्र रोठे, विदर्भ प्रदेश संपर्कप्रमुख शेख सईद, आझाद हिंद शालेय पोषण आहार संघटनेचे प्रदेशाध्यक्ष लियाकत खान, महिला उपाध्यक्ष वर्षाताई ताथरकर यांच्यासह देशातील गुरुवर्य विष्णु महाराज कोल्हापूरकर गुरुजी यांचे भक्तगण प्रामुख्याने उपस्थित होते.
माऊली जन्मभूमी श्रीक्षेत्र आपेगाव मधून माऊली माता पिता दिंडीला निरोप देण्यात आला आहे. आज माऊली माता-पिता दिंडी सोहळ्याचा मुक्काम भाऊसाहेब देवराव पाटील यांच्या शेतात आहे.
तर उद्या सकाळी पाच वाजता पंढरपूरकडे होणार असून दुपारी दोन वाजता वाखरी येथे सर्व पालक यांचा सोहळा एकसंघ होणार आहे. तर उद्याच संध्याकाळपर्यंत पंढरपूर येथे दिंडी पोहोचणार आहे.
माऊली जन्मभूमी आपेगाव माता-पिता दिंडी प्रस्थान सोहळ्यात अकरा वारकर्‍यांना परवानगी मिळाली असून पंढरपूरच्या मुख्य नगर प्रदक्षिणेत सुद्धा माऊली माता पिता दिंडी सहभागी होण्याची परवानगी देण्यात आली आहे.
