यावल ( प्रतिनिधी )विकी वानखेडे
तालुक्यातील डांभुर्णी गावाजवळ एका डांबरीकरणाचे हॉट मिक्स वाहतुक करणाऱ्या डंपर वाहनाचा अपघात होवुन त्यात वाहन चालक गंभीर जख्मी झाल्याची घटना घडली आहे . या संदर्भात मिळालेली माहीती अशी की दिनांक २८ जुन रोजी किनगाव ते डाभुर्णी मार्गा वरील डाभुर्णी गावा जवळ किनगाव कडुन डांभुर्णी गावाकडे जाणारा डंपर वाहन क्रमांक एम एच १९वाय५७१८हे चारचाकी वाहन डांबरीकरण कामाचे हॉट मिक्स हे साहीत्य घेवुन जातांना पाऊस सुरू असतांना वाहनचालकाचा ताबा वाहनाचे तोल बिघडल्याने वाहन रस्त्याच्याकडे जावुन पलटी होवुन झालेल्या अपघातात वाहनचालक हा गंभीर जख्मी झाला असुन , वाहनचालकास उपचारासाठी जळगाव येथे दाखल करण्यात आले आहे . दरम्यान या अपघातासंदर्भात पोलीसात अद्याप कुठलीही नोंद झाली नसल्याचे वृत्त असुन, या भिषण अपघातातुन केवळ सुदैवाने चालक बचावल्याचे प्रत्येक्ष पाहणाऱ्यांनी म्हटले आहे . अधिक माहीती घेतली असता सदरचे वाहन भुसावळ येथील एका मोठया प्रसिद्ध बांधकाम ठेकेदाराचे असल्याचे कळते .
