अनिल सिंग चव्हाण मुख्य संपादक.
चामोर्शी:आज दिनांक १२ जूलै रोजी चामोर्शी तालुक्याअंतर्गत कुनघाडा रै केंद्राची मुख्याध्यापक सभा केंद्राचे केंद्रप्रमुख गुरूदास गोमासे व गट साधन केंद्र चामोर्शीचे साधनव्यक्ती चांगदेव सोरते यांच्या उपस्थितीत आणि मार्गदर्शनाखाली गटशिक्षणाधिकारी नरेंद्र मस्के यांच्या मार्गदर्शनाखाली सभा संपन्न झाली.मुख्याध्यापक सभेमध्ये कोविड कालावधीतीत शिक्षण या विषयांवर प्रामुख्याने चर्चा करण्यात आली.त्यामध्ये दाखल पात्र विद्यार्थ्यांच्या शाळेत दाखल करणे,स्वाध्याय उपक्रम,कृतिपत्रिका आणि नियोजन,आभ्यासमाला उपक्रम,सेतू उपक्रम (ब्रिज कोर्स),शाळा सिद्धी,महापोर्टल करियर,शाळा बाहेरची शाळा,मोफत पाठ्यपुस्तक योजना,शाळा बाह्य विद्यार्थी शोध आणि शिक्षणाच्या मुख्य प्रवाहात सहभागी करणे,शाळा व्यवस्थापन समिती सभा आणि सक्रिय सहभाग,गोष्टींचा शनिवार,नवोदय परिक्षा,वेध शिष्यवृत्ती,दिक्षा ऍपचा विद्यार्थीना उपयोग,शासनाचे उपक्रम व डायट गडचिरोली संस्थेकडून राबविण्यात येणाऱ्या उपक्रमांची प्रभावी अंमलबजावणी करणे,इत्यादी विषयांवर मुख्याध्यापक यांच्याशी सविस्तर चर्चा करण्यात आली.
प्रसंगी डायट गडचिरोली संस्थेचे प्राचार्य शरदचंद्र पाटील यांनी सभेला उपस्थित मुख्याध्यापक यांच्याशी ब्रिज कोर्स विषयी दुरध्वनी वरुन संवाद साधून मार्गदर्शन केले.सभेला कुनघाडा रै केंद्राचे सर्व मुख्याध्यापक उपस्थित होते.
