कन्नड तालुक्यात घेतला आढावा
संभाजीनगर : जागतिक महामारी असलेल्या कोरोनाची सुरवात मेट्रो शहरात झाली. मात्र हळूहळू वर्षभरात त्याने ग्रामीण भागात शिरकाव केला. सध्या संभाजीनगर जिल्ह्यात शहरापेक्षा ग्रामीण भागात जास्त रुग्ण आढळत आहे. या परिस्थितीत ग्रामीण भागातील आरोग्य भागातील आरोग्य यंत्रणेचे कार्य अद्वितीय आहे. त्यामुळे सर्व आरोग्य कर्मचारी व डॉक्टर यांचे आभार मानत शिवसेना नेते चंद्रकांत खैरे यांनी कौतुक केले.
राज्य सरकारने शक्य होईल तितकी मदत केली आहे. मात्र ग्रामीण भागात अधिकारी व कर्मचारी कंटाळा करतात, असा भ्रम आता दूर झाला आहे. वर्षभरापासून कुटुंबापासून दूर राहत अनेक जण सेवा करत आहे. यावेळी आमदार उदयसिंग राजपूत यांच्या निधीतुन उभारण्यात येणाऱ्या कोविड सेंटरचा आढावा शिवसेना नेते चंद्रकांत खैरे यांनी घेतला.
ग्रामीण भागातील जनतेने न घाबरता धैर्याने या संकटाला तोंड द्यावे, आम्ही प्रशासकीय पातळीवर सर्व मदत मिळवून देऊ, मात्र काळजी घ्या, असे ते म्हणाले.
ग्रामीण रुग्णालय कन्नड येथे भेट देताना शिवसेना नेते चंद्रकांत खैरे, आमदार उदयसिंग राजपूत, माजी जिल्हा परिषद अध्यक्ष डॉ. अण्णासाहेब शिंदे, नगरसेवक बंटी सुरे, शहरप्रमुख सुनील पवार, माजी उपसभापती तथा सरपंच अशोक दापके, माजी उपनगराध्यक्ष डॉ. सदाशिव पाटील, उपतालुकाप्रमुख शिवाजी थेटे, लंकेश गायकवाड, रामराजे देशमुख, आरोग्य वैद्यकीय अधिकारी डॉ. प्रवीण पवार, आरोग्य अधिकारी डॉ. हेमंत गावंडे, डॉ. मनीषा मोतींगे, तहसील व पोलीस प्रशासन आदींची उपस्थिती होती.
