यावल ( प्रतिनिधी )विकी वानखेडे
तालुक्यातील डोंगर कठोरा येथे एका शेत मजुराने विहीरीत उडी घेवुन आत्महत्या केल्याची घटना घडली असुन घटनेची पोलीसात करण्यात आली आहे . या संदर्भात मिळालेली माहीती अशी की डोंगर कठोरा तालुका यावल येथील राहणारे भरत जनार्दन जंगले वय ४५ वर्ष यांनी डोंगर कठोरा शिवारातील विनोद मधुकर राणे यांच्या याच शेतातील विहिरीत काल दिनांक २७ एप्रिल ते २८ एप्रिलच्या दरम्यान विहीरीत उडी घेवुन पाण्यात बुडुन आत्महत्या केल्याची घटना समोर आली आहे. दरम्यान काल सायंकाळपासुन भरत जंगले हे घरातुन बाहेर निघाले असता ते परत न आल्याने शोधाशोध घेतले असता त्यांचे मृत अवस्थेतील प्रेत दुपारी एक वाजेच्या सुमारास विहीरीत मिळुन आले . मयत जंगले यांच्या कुटुंबात पत्नी , एक मुलगी, एक मुलगा , आई असा परिवार आहे . याबाबत शेतमालक विनोद मधुकर राणे यांनी यावल पोलीसात खबर दिल्याने अक्समात मृत्युची नोंद करण्यात आली आहे . भरत जंगले यांच्या मृतदेहावर यावल ग्रामीण रुग्णालयात वैद्यकीय अधिकारी डॉ .बी बी बारेला, डॉ . प्रितम तायडे यांनी केले .
