यावल ( प्रतिनिधी) विकी वानखेडे
तालुक्यातील मनवेल येथून जवळच असलेल्या दगडी येथील ३५ वर्षीय तरुणाने राहत्या घरात दारुच्या नशेत गळफास घेऊन जीवन संपविले.
विजय वंसत ठाकरे वय ३५ या रोजंदारीवर काम करणाऱ्या शेतमजुर तरूणांने त्याचा राहत्या घराच्या पाईपला दारुच्या नशेत दोरखंड बांधुन जीवन संपविले.मयताच्या पश्चात आई वडील पत्नी एक मुलगा दोन मुली असा परीवार आहे.मयताचे यावल ग्रामीण रुग्णालयात शवविच्छेदन करण्यात आहे असुन यावल पोलिस स्टेशनला पांडुरंग गणपत ठाकरे यांनी खबर दिल्याने अकस्मात मृत्यूची नोद करण्यात आली आहे.
गावात सुरु असलेल्या अवैध हातभट्टी दारुच्या आहारी जावुन अनेक तरुण हे व्यसनाधीन होत असल्यामुळे अनेक मोलमजुरी करणाऱ्यांचे घर उध्वस्त होत असल्याने गावातील दारुबंदी झाली पाहीजे अशी संतप्त भावना परिसरातील शेकडो महिलांकडुन व्यक्त केली जात असुन ही हात भट्टीच्या दारूचे धंदे तात्काळ बंद न झाल्यास महीला वर्ग आंदोलनाच्या पवित्र्यात आहे .
