यावल ( प्रतिनिधी ) विकी वानखेडे
तालुक्यातील मनवेल गावात एका विधवा व निराधार महिलेच्या रमाई घरकुल योजने अंतर्गत मंजुर होवुन बांधकाम झालेल्या घरकुलास सरपंच व ईतरांच्या विरोध असल्याने पावसाळया पुर्वीच आपले घरकुल पुर्ण व्हावे यासाठी निराधार महीलेची भटकंती होत असल्याने दरम्यान तात्काळ या महीलेस न्याय न दिल्यास यावल पंचायत समिती समोर आंदोलन करण्याचा ईशारा भुसावळ येथील पिपल्स रिपब्लीकन पार्टी ( प्रा . जोगेन्द्र कवाडे सर ) यांच्या वतीने प्रदेश महामंत्री जगनभाऊ सोनवणे यांनी गटविकास अधिकारी यांना दिलेल्या पत्राद्धारे दिला आहे . या संदर्भात प्रदेश महामंत्री जगनभाऊ सोनवणे यांनी म्हटले आहे की , यावल तालुक्यातील मनवेल येथील राहणाऱ्या मंगलाबाई रामदास इंधाटे या विधवा व निराधार महिलेचे रमाई या योजनेअंतर्गत घरकुल मंजुर झाले असुन असे असतांना मात्र घरकुलाचे बांधकाम अर्ध्यावर आलेले असतांना ग्रामपंचायतीचे सरपंच जयसिंग देवराम सोनवणे आणी ग्रामसेवक यांनी सार्वजनिक मुतारीच्या विषया वरून काही ग्रामस्थांच्या तक्रारी झाल्याने अखेर या घरकुलाचे बांधकाम बंद झाल्याने उर्वरीत मिळणारे अनुदान रुपाचे हफ्ते थांबविल्याने हे कामबंध करण्यात आले असल्याचे वृत्त आहे . याबाबत सदर मंगला सोनवणे या विधवा व निराधार महीलेने पिपल्स रिपब्लिकन पार्टीचे महामंत्री जगनभाऊ सोनवणे यांच्याकडे आपल्याला घरकुलांचे उर्वरीत हफ्ते व ग्रामपंचायतीने काम बंद पाडल्याची तक्रार केल्याने आज सोनवणे हे यावल येथे पंचायत समितीच्या कार्यालयात येवुन त्यांनी विस्तार अधिकारी के सी सपकाळे यांची भेट घेवुन त्यांना मनवेल येथील निराधार महीलेच्या मंजुर झालेल्या रमाई घरकुल योजनेचे लाभ मिळवण्यासाठी होत असलेल्या मानसिक त्रास व अडचणी बाबत ची माहीती दिली व तात्काळ या महीलेचे उर्वरीत घरकुलाचे हफ्ते व बांधकाम सुरू न झाल्यास आपण दिनांक ४ जुन रोजी १o विविध संघटनाच्या माध्यमातुन ताला ठोको आंदोलन करणार तसेच दिनांक ७ जुन रोजी दुपारी २ वाजता यावल पंचायत समिती समोर हल्लाबोल आंदोलन व दिनांक १० जुन रोजी सुमारे २०० स्त्री पुरुषांचे आमरण उपोषण करणार असल्याचा ईशारा या वेळी जगनभाऊ सोनवणे यांनी विस्तार अधिकारी के सी सपकाळे यांना दिलेल्या निवेदनाद्वारे दिला आहे .
