शेगाव : पक्षपाती भूमिकेमुळे येथील नगर परिषदेचे मुख्याधिकारी डॉक्टर प्रशांत शेळके यांची तत्काळ बदली करावी या मागणीसाठी काँग्रेसचे शहराध्यक्ष किरणबापू देशमुख यांनी तहसील कार्यालयासमोर आमरण उपोषण सुरू केले आहे .
उपोषणाच्या पहिल्या दिवशी मलकापूर विधानसभा मतदार संघाचे काँग्रेसचे आमदार राजेश एकडे यांनी भेट दिली व उपोषणकर्ते काँग्रेस शहराध्यक्ष किरण देशमुख यांच्याशी विस्तृत चर्चा केली व मागणीची दखल घेत लवकर योग्य ती कारवाई करणे बाबत नगर विकास मंत्रालयाकडे पाठपुरावा करणार असल्याचे आमदार राजेश काकडे यांनी यावेळी पत्रकारांशी बोलताना सांगितले तसेच वंचित बहुजन आघाडी चे युवा नेते प्रभाकर पहूरकर यांनी काँग्रेस शहराध्यक्ष देशमुख यांच्या आमरण उपोषणाला पाठिंबा दिला यावेळी डॉक्टर जयंतराव खेडकर बुढन जमादार मोतीराम खवले,अशोक गडकर,नाहसं अध्यक्ष विजय ढगे, युवक काँग्रेस जिल्हा सरचिटणीस पवन पचेरवाल, सेवादल तालुका अध्यक्ष अनिल सावळे,
चंद्रकांत माने, गौलखेड चे उपसरपंच ज्ञानेश्वर शेजोळे, आळसणा चे माजी सरपंच गोपाल उज्जैनकार, निकुंज देशमुख, दिलीप दहीकर आदीसह कार्यकर्ते भेटीसाठी येत होते आता उपोषणातून काय मार्ग निघतो, याकडे राजकीय मंडळी व शहरवासीयांचे लक्ष लागले आहे मुख्याधिकारी डॉक्टर प्रशांत शेळके यांची बदली होते की नाही याबाबत चर्चा शहरात रंगत आहे.
