यावल ( प्रतिनिधी ) विकी वानखेडे
येथील यावल चोपडा मार्गावर एका वाळुने भरलेल्या डंपर आणी ऑटोरिक्शाच्या झालेल्या अपघातात जखमी एक अनओळखी रिक्शाचालकाची प्रकृती गंभीर असल्याचे वृत असुन , पोलीसांचा ताफा रात्री १२ , ३० वाजता घटनास्थळी होते . या भिषण अपघातानंतर रोडाच्या बाजुस असलेल्या एका शेतात हा डंपर मोठया वेगाने घुसला असुन ,जेसीबी द्वारे त्या डंपरला काढण्यात आले आहे . या संदर्भात मिळालेल्या माहीतीनुसार यावल शहरापासुन अवघ्या दोन किलोमिटर लांब चोपडा रस्त्यावरील महाजन पेट्रोल पंपाच्या पुढे साईकृपा ढाब्या ढाब्याच्या काही अंतरावर दिनांक ६ जुन रोजी रात्री ११, २० वाजेच्या सुमारास चोपड्याकडुन भरधाव वेगाने येणाऱ्या चारचाकी डंपर क्रमांक एमएच १९ , ३४२६या वाहनाने यावल हुन किनगावकडे जाणाऱ्या अॅपेरिक्शा क्रमांक एमएच १९ एके ६४९३या वाहनास दिलेल्या धडकेनंतर झालेल्या भीषण अपघातात अज्ञात अॅपे रिक्शाचालक हा गंभीररित्या जख्मी झाल्याचे दिसुन आले तर या अपघातात दुसऱ्याही व्यक्ती असल्याची माहीती मिळाल्याने पोलीसांनी त्या ठीकाणी शोध घेतले असता दुसरी व्यक्ति त्या अपघातस्थळी मिळुन आली नाही . यावल पोलीस स्टेशनचे पोलीस निरिक्षक सुधीर पाटील यांनी घटनेची माहिती मिळताच तात्काळ घटनास्थळी पोलीस पाठविले व जेसीबी यंत्रणेच्या सहाय्याने अपघातास कारणीभुत डंपरला बाहेर काढले असुन याबाबत घटनेतील अपघातास कारणीभुत डंपर वाहनचालक हा फरार झाल्याची माहीती पोलीसांनी दिली असुन , अपघात स्थळावरून काही तरुणांच्या मदतीने जख्मी रिक्शा चालकास उपचारासाठी यावलच्या ग्रामीण रुग्णालयात दाखल केले असता त्याच्यावर प्रथम औषध उपचार केल्यावर त्याची प्रकृती गंभीर असल्याने त्यास पुढील उपचारासाठी जळगाव येथे पाठविण्यात आले अहे . दरम्यान प्राथमिक चौकशीच्या आधारावर अपघातातील रिक्शाचालक हा रावेर तालुक्यातील असल्याचे कळते .
