यावल (प्रतिनिधी ) विकी वानखेडे
यावल :- प्रा. आ. केंद्र सावखेडासिम कार्यक्षेत्रातील आदिवासी भागात यावल तालुक्यातुन कोविड लसीकरणाचा प्रारंभ करण्यात आला.
नवसंजीवनी कार्यक्रमांतर्गत तालुक्यातील प्रा. आ. केंद्र सावखेडासिम कार्यक्षेत्रात येणारे सातपुडा पर्वतातील, राज्याच्या सीमेवर, अतिदुर्गम व आदिवासी भागातील जामन्या तसेच हरिपुरा व परसाडे येथे कोविड लसीकरणास प्रारंभ करण्यात आला.
ता. आरोग्य आधिकारी डॉ. हेमंत बऱ्हाटे, प्रा.आ. केंद्र सावखेडासिम चे वैद्यकीय अधिकारी डॉ. गौरव भोईटे व डॉ. नसीमा तडवी यांच्या मार्गदर्शनाखाली आदिवासी भागात लसीकरण शिबिराचे आयोजन करण्यात आले.
आदिवासी भागात लसीकरणात अल्प प्रतिसाद मिळत असून १८ वर्षावरील व ४५ वर्षावरील जामन्या येथे १५, हरिपुरा येथे १२, तर परसाडे येथे १४० असे एकूण १६७ नागरिकांना आदिवासी भागात कोविशील्ड लसीचा पहिला डोस देण्यात आला.
जामन्या येथे ता. आरोग्य अधिकारी डॉ. हेमंत ब-हाटे वैद्यकीय अधिकारी डॉ. गौरव भोईटे, मानसेवी डॉ. प्रवीण ठाकरे, आरोग्य सहाय्यक लुकमान तडवी, आरोग्य सेवक अरविंद जाधव, आरोग्य सेविका शाबजान तडवी, शिवप्रताप घारू, व समीर तडवी तर परसाडे येथे सरपंच बबीताताई तडवी, उपसरपंच रुस्तम तडवी, समुदाय आरोग्य अधिकारी डॉ.साजिद तडवी व डॉ.राहुल गजरे. आरोग्य पर्यवेक्षिका शोभा चौधरी, आरोग्य सेवक भुषण पाटील,आरोग्यसेविका महमुदा तडवी, गटप्रवर्तक सरला तडवी, ग्रामसेवक मज्जित तडवी, ग्रा. पं. सदस्या रहिमत तडवी, व हुसेन तडवी तर हरिपुरा येथे मोहराळा-हरिपुरा ग्रुप ग्रा. पं. सरपंच नंदाताई महाजन, उपसरपंच जहांगीर तडवी, समुदाय आरोग्य अधिकारी डॉ. रोशनआरा शेख, आरोग्य सेवक बालाजी कोरडे, आदी पदाधिकारी, अधिकारी व कर्मचारी उपस्थित होते.
लसीकरण शिबिरास आशा सेविका, अंगणवाडी सेविका, ग्रामपंचायत कर्मचारी व जामन्या येथील वनाधिकारी अक्षय म्हेत्रे यांचे विशेष सहकार्य लाभले.
