, यावल ( प्रतिनिधी )विकी वानखेडे ,
कोरोना विषाणु संसर्गाच्या वाढत्या प्रादुर्भावाच्या पार्श्वभूमीवर आज तहसीलदार महेश पवार आणी पोलीस निरीक्षक सुधीर पाटील आणी नगर परिषद प्रशासन यांच्या माध्यमातुन आज शहरात रस्त्यावर उतरून शासन नियमांचे पालन न करणाऱ्या विरूद्ध कारवाईची धडक मोहीमद्वारे चार व्यवसायीकांवर दंडात्मक कारवाई करून त्यांची दुकाने सिल केली आहे . या संदर्भात मिळालेली माहीती अशी की , संपुर्ण महाराष्ट्र राज्यात कोरोना विषाणुच्या महामारीच्या आजाराने पुनश्च आपले डोके वर काढले असुन जळगाव जिलह्यात कोरोना बाधीत रूग्णांची संख्याही आटोक्यात येत नसल्याने अखेर जिल्हाधिकारी यांनी शासनाच्या आदेशाचे पालन न करणाऱ्या विरूद्ध कारवाई बडगा उद्धगारला असुन , आज यावलचे तहसीलदार महेश पवार यांच्या मार्गदर्शनाखाली निवासी नायब तहसीलदार आर के पवार , पोलीस निरिक्षक सुधीर पाटील , नगर परिषद प्रशासन चे विजय बढे , स्वच्छता अधिकारी शिवानंद कानडे यांच्या पथकाने संयुक्त कारवाई करीत शहरातील बुरूज चौकातील पटेल टी सेन्टर , पापुलर झेरॉक्स व स्टोअर्स , बस स्टॅन्ड परिसरातील जय हिंगलाज स्विट अँन्ड नास्ता सेन्टर या व्यवसायीकांवर पाच पेक्षा अधिक लोकांना जमविणे तसेच मास्कचा वापर न करणे अशा कोरोना नियमांचे उल्लंघन करतांना आढळुन आल्याने त्यांच्याविरुद्ध दंडात्मक कारवाई करीत त्यांच्या दुकांनासिल करण्यात आले आहे . महसुल प्रशासन , पोलीस आणी नगर परिषदच्या संयुक्त कारवाईचा यावल शहरातील बेसावध व बेशिस्त वागणाऱ्यावर या धडक कारवाईचा चांगलाच परिणाम झाल्याचे दिसुन येत आहे .
