यावल ( प्रतिनिधी )विकी वानखेडे
येथील सार्वजनिक बांधकाम विभागाचा भोंगळ कारभार अनेक दिवसापासुन दुरूस्तीच्या प्रतिक्षेत असलेल्या बु्ऱ्हाणपुर अंकलेश्वर मार्गावरील रस्त्याचे काम अत्यंत निकृष्ठ दर्जाचे असल्याबाबत जिल्हा परिषद सदस्य प्रभाकर अप्पा सोनवणे यांनी कामाबद्दल उघड उघड नाराजी व्यक्त करून ठेकेदारांच्या पंटरांना घेतले धारेवर धरल्याचा प्रकार समोर आला आहे . यावल शहरातुन जाणाऱ्या अंकलेश्वर ते बुऱ्हाणपुर या राज्य मार्गावरील यावल बस स्टॅन्ड परिसरापासुन वन विभाग कार्यालयापर्यंतचा रस्ता हा ठीकाणी मोठमोठे खड्डे पडुन अत्यंत खराब झाला होता , प्रसंगी या मार्गावर अनेक अपघात देखील घडले असुन , या मार्गावरील खराब झालेल्या रसत्याबाबत अनेकांच्या तक्रारी होत्या म्हणुन या रस्त्याची दुरुस्ती व्हावी यासाठी आमदार शिरीष चौधरी यांनी देखील पत्रव्यवहार केला होता . सदरचे काम हे भुसावळ येथील एका नाम बडे दर्शन खोटे ठेकेदारास देण्यात आले असुन , सदर ठेकेदार हा शासनाच्या निविदा मधील अटीशर्तीच्या अधीन राहुन काम करीत नसल्याने जिल्हा परिषद गटनेते व कॉंग्रेसचे तालुका अध्यक्ष प्रभाकर अप्पा सोनवणे यांनी आज सकाळच्या सुमारास या मार्गाचे काम सुरू असतांना कामास भेट देवुन संबंधीत ठेकेदाराची माणस हे रस्त्यावर डांबर न टाकता खडीचा सर्रास वापर करून अत्यंत निकृष्ठ प्रतिचे काम करण्यात येत असल्याची बाब त्यांच्या निर्दशनास आल्याने त्यांनी ठेकेदारांची माणस आणी सार्वजनिक बांधकाम विभागाचे अभियंते यांना चांगलेच धारेवर धरले व कामाची गुणवता सुधारण्याचे निर्देश दिलेत, सदरचे काम हे ठेकेदाराच्या वतीने बिओटी तत्वावर सुरू करण्यात आले असुन , या रस्ता दुरुस्तीच्या कामासाठी आमदार शिरीष चौधरी यांनी ही पाठपुरावा करून कामास तात्काळ करण्यास सांगीतले होते . यावेळी जिल्हा परिषदेचे गटनेते प्रभाकर अप्पा सोनवणे यांनी सांगीतले की आपण या कामाच्या गुणवंत्तेबाबत वरीष्ठ पातळीवर तक्रार करणार असल्याचे सांगीतले या प्रसंगी त्यांच्या सोबत इंटकचे जिल्हा अध्यक्ष भगतसिंग पाटील , काँग्रेस कमेटीचे यावल शहराध्यक्ष कदीर खान , काँग्रेसचे तालुका उपाध्यक्ष हाजी गफ्फार शाह व आदी कार्यकर्ते होते .
